PD La Konvensidu Ho Rezultadu Ezekusaun Fundu Covid

Bandeira Partidu Demokratika Bandeira Partidu Demokratika Foto Google

Tempotimor (Dili) - Deputadu Parlamentu Nasionál Bankada Partidu Demokrátiku (PD), António da Conceição Kalohan, husu ba governu, liuliu Ministériu Saúde (MS) no Ministériu Solidariedade Sosiál no Inkluzaun (MSSI), atu fó esplikasaun detalladu ezekusaun fundu Covid tokon U$150.

Ezijénsia ne'e hato’o hafoin governu halo aprezentasaun ba relatóriu finál durante aplikasaun estadu emerjénsia ba Surtu Covid19 nian, no mós orsamentu ne'ebé governu gastu hodi halo pagamentu subsídiu ba agregadu familiár sira inklui hirak ne'ebé iha liña frente.

"Hakarak atu hatene husi governu uzu tokon $150 fora pagamentu ne'ebé hala'o ona, saida tan maka agora daudauk ne'e sai kestaun. Otél no fornesidór hahan ita to'o ona iha ne'ebé", dehan Kalohan, durante nia intervensaun, iha plenária PN, Tersa (28/7).

Nia hateten, iha materiál barak mak altura ne'ebá Governu ko'alia kona-ba pagamentu ba subsídiu, kréditu, tanba ne’e, uzu atu governu fó netik esplikasaun ruma ba sira atu hatene buat sira ne'e realiza ona ka lae.

"Ida seluk fila-fali mós subsídiu sira ne'ebé maka fó ba pekena empreza oan sira ne'e, nia realizasaun to'o iha ne'ebé," dehan nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.