Login to your account

Username *
Password *
Remember Me

PN Aprova Lei Mineiru iha Jeneralidade

Plenaria Parlamentu Nasional Plenaria Parlamentu Nasional Foto File
Tempotimor (Dili) - Parlamentu Nasionál liuhusi plenaria estraordináriu, Kinta (30/7), aprova ona Lei Mineiru iha jeneralidade ho votu unanimidade.
Projetu-Lei Nú 4/V (1a) Kódigu Mineiru ne'e aprezenta husi Komisaun D (Ekonomia no Dezenvolvimentu) ho totál artigu hamutuk 162.

Konteúdu husi projetu Lei Kódigu Mineiru ne’e atu regula atividade minerál nian oinsá halo  ezersísiu hodi respeita, inklui atividade rekoñesimentu preliminár, prospesaun ba-oin no peskiza, avaliasaun, dezenvolvimentu, esplorasaun no tratamentu iha área minerál rai-laran nian.

Hafoin aprovasun, Deputada Bankada CNRT, Virgínia Ana Belo, nu'udar mós proponente hateten, lei ne’e importante hodi substitui fundu petróleu.

Nia fó ezemplu, transporte no komersializasaun minerál kona-ba oinsá tau importánsia ba Estadu, liuliu atende impaktu no fornesimentu ba materia prima sira, esensiál ba dezenvolvimentu, kresimentu ekonómiku no prosperiedade nasaun nian.

“Kódigu Mineiru ninia kuantia la’ós boot, nia kiik maibé ne’e hodi la’o ba tempu naruk, ita bele uza nia iha tempu naruk, nia la hotu lalais hanesan fundu petróleu,” dehan nia, iha plenária, Parlamentu Nasionál, Kinta (30/7).

Nia hatutan, objetivu ida tán husi Kódigu Mineiru tanba fundu petróleu ne’e hanesan rikeza nasionál, entaun Komisaun D konsidera kódigu mineiru bele sai baze dezenvolvimentu iha munisípiu sira.

“Tanba ita bele deteta kada munisípiu nia riku-soin balun hodi bele dezenvolve munisípiu no restu ita bele fahe ba munisípiu seluk”, dehan nia.

Iha fatin hanesan, Deputadu Adérito Hugo da Costa hateten, Timor-Leste iha nesesidade barak entaun presiza halo lei ne'e hodi halo regulamentasaun.

Nune'e, Deputadu Bankada Partidu Demokrátiku (PD), Mariano Assanami Sabino hateten, rekursu minerál sira tenke konsentrasaun prinsipál ba Estadu Timor-Leste.

Deputadu sira ne'ebe sai proponente ba projetu lei ne’e mak hanesan Deputada Virgínia Ana Belo, Duarte Nunes, Adérito Hugo da Costa, Francisco de Vasconcelos, António Nobre Tilman, Maria Fernanda Lay, Maria Terezinha Viegas, Mariano Assanami Sabino, António da Conceição no Maria Angelina. (*)  
 
 
Rate this item
(0 votes)
Last modified on Friday, 31 July 2020 14:35
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter