Login to your account

Username *
Password *
Remember Me

Governu TL sei Lori Fila Trabaladór Timor-oan 160 ho Mate-isin 2

Diretór Jeral Sekretariu Estadu Formasaun Profisional no Empregu (SEFOPE) Paul Alves ho autoridade husi Korea do Sul hasoru malu ho serbisu na'in Timoroan sira Diretór Jeral Sekretariu Estadu Formasaun Profisional no Empregu (SEFOPE) Paul Alves ho autoridade husi Korea do Sul hasoru malu ho serbisu na'in Timoroan sira Foto File

Tempotimor (Dili)-Tuir planu, iha Kuarta (05/08), trabaladór Timor-oan ne’ebé durante ne’e serbisu iha rai li’ur na’in 160, sei fila mai Timor-Leste. Iha mós mate-isin Timor-oan na’in rua husi Korea Sul ne’ebé sei tula mai.

Diretór Jeral Sekretariu Estadu Formasaun Profisional no Empregu (SEFOPE) Paul Alves informa, trabaladór Timor-oan na’in 160 ne’ebé sei mai TL kompostu husi trabaladór na’in 112 husi Korea Sul, na’in 10 husi Bali, no na’in 28 husi Australia.

Nia dehan, governu kontratu ona aviaun UN no Citilink hodi tula trabaladór no mate-isin ho total orsamentu besik rihun $149.

“Governu daudauk hahú preparasaun ona no epsera katak bainrua (Kuarta) trabalador hirak ne'e bele to’o ona Timor-Leste,” dehan Paul , ba jornalista sira iha salaun MNEK, Pantai Kelapa, Segunda (03/08).

Kona-ba mate-isin rua, Paul hatete, mate-isin ne’e durante ne’e serbisu iha Korea Sul no mate tanba moras.

Aleinde ne’e, nia  informa, iha mós trabaladór Timor-oan balun iha Korea Sul ne’ebé maske sira-nia kontratu remata ona, maibé sira lakohi fila mai TL.

Paul dehan, nia parte sei halo komunikasaun ho parte migrasaun Korea Sul hodi identifika paradeiru Timor-oan hirak ne’e nune’e bele haruka fila mai TL.

"Ami-nia razaun haruka fila mai tanba ita hatene katak durante situsun Covid trabaladór hirak ne’e hetan difikuldade, balun kontratu hotu ona no balun pasaporte mate, balun moras, inklui na’in rua mak mate, tanba ne'e ami halo hela konfirmasaun ho ita-nia adidu iha Korea atu bele tau-matan nafatin no akompaña nafatin sira to'o sira fila mai TL," dehan Paul.

Iha fatin hanesan, Diretor Ajensia Citilink iha TL, Fernando da Silva hatete, daudauk ne’e sira prepara hela prosesu atu ba tula pasajeiru hirak ne'e.

"Agora aviaun hahú semo ona ba Jakarta depois ba Korea Sul hodi tula sira, mais atu tula pasajeiru ne'e planu, prosedimentu oinsa ne'e bazeia ba ministeriu saude,” nia hatete.

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter