Ohin, PN Realiza Plenaria Estra-ordinaria ba Pedidu PR ba EE Dahaat

Parlamentu Nasional Timor Leste Parlamentu Nasional Timor Leste Foto File

Tempotimor (Dili)-Hafoin Konsellu Superiór Defeza no Seguransa (KSDS) no Konsellu Estadu (KE) apoiu pedidu governu ba Estadu Emerjensia (EE) dahaat, lider bankada sira iha PN deside ona plenaria estra-ordinaria hodi diskuti pedidu autorizasaun husi Prezidente Repúblika atu dekreta EE.

Sekretariu Meza PN Lidia Norberta hatete, daudauk ne’e lider bankada kria ajenda ba plenaria estra-ordinariu kona-ba atu fó autorizasaun ba Prezidente Republika dekreta delibetasaun estadu emerjensia faze dahaat.

"Orsida loraik ami sei iha ajenda estra-ordinariu atu bele fó autorizasun ba Xefe Estadu atu dekreta tan estadu emerjensia, tanba ita rona informasun balun husi governu katak Timor-Leste agora daudaun iha tan kazu pozitivu Covid-19 foun," informa deputada Lidia ba jornalista sira iha PN, Kuarta (05/08).

Lee mós: KSDS-KE Apoiu EE Dahaat, PR Lu Olo sei husu “Lisensa” ba PN

Entretantu, relasiona ho pedidu EE, deputadu bankada FRETILIN David Dias Mandati hatete, bankada FRETILIN prontu fó apoiu.

Tanba, nia dehan, governu foti desizaun ida ne’e hodi halo prevensaun ba Covid-19 ne’ebé hahú mosu fali iha TL.

Tuir nia, EE ne’e importante ba governu atu bele limite movimentu iha rai laran no fronteira, liu-liu aeroportu.

Iha fatin hanesan, deputadu bankada CNRT Patrocino Fernandes hatete, nia parte seidauk bele fó komentariu ba EE faze dahaat, tanba nia parte seidauk haree razaun governu hodi husu tan EE.

 

Rate this item
(1 Vote)
Last modified on Wednesday, 05 August 2020 18:21
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.