Governu sei Kontinua Fó Subsídiu Ba Estudante Sira iha Estranjeiru

Edifisiu sentral Ministeiru Negosiu Estranjeiru Timor Leste Edifisiu sentral Ministeiru Negosiu Estranjeiru Timor Leste Foto Suplai

Tempotimor (Dili) - Governu liuhusi Ministériu Negósiu Estranjeiru no Kooperasaun (MNEK) daudaun ne'e rekolla tan dadus ba estudante sira iha diáspora. Nune’e, bele halo pagamentu subsídiu ba fase daruak.

Vise-Ministru Negósiu Estranjeiru no Kooperasaun, Julião da Silva, hato’o lia-hirak ne’e bainhira remata enkontru ho Primeiru Ministru, Taur Matan Ruak, iha Palásiu Governu, Segunda (10/08).

"Subsídiu ba ita-nia estudante sira bolseiru no naun bolseiru ita sei foti tan dadus halo kompletu para halo segundu pagamentu," dehan nia.  

Vise-MNEK salienta, kona-ba posibilidade atu halo tan pagamentu daruak nian, reuniaun Konsellu Ministru mak sei deside, karik posibilidade atu halo tan pagamentu segundu faze.

Enkuantu pagamentu ida daudaun ne'e hanesan parte kontinuasaun ba estudante bolseiru no la’ós bolseiru, ne'ebé seidauk hetan subsídiu durante implementasaun Estadu Emerjénsia. 

"Sei halo pagamentu segundu faze ne'e bainhira Estadu dekreta ona Estadu Emerjénsia ne'e," dehan Julião. 

Entretantu tuir dadus, estudante bolseiru no la’ós bolseiru iha diáspora ne'ebé hetan ona subsídiu kuaze estudante na’in 300. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.