Print this page

ANTL Kestiona Lider 'Liman Raan' Ukun RI Featured

Aliansa Nasional Timor-Leste (ANTL) kestióna ema ne’ebé 'liman raan' ho kultura impunidade hodi kaer Ukun iha Republika Indonezia (RI).

Daudaun ne’e Timor Leste nia vizinu besik no bo’ot liu iha Azia iha hela periodu kampanie elisaun jeral no elisaun prezidensial ne’ebe eis jeneral Prabowo Subianto ne’ebe ONU (Organizasaun Nasoeins Unidas liu husi UNTAET nia seksaun Krime grave hatur ona hanesan arguidu ida tan ba deskonfia involve iha violsaun direitu ema iha eis província Timor Timur antes 1999.

“Tanba ne’e ANTL husu ba membru Konsellu Seguransa ONU no komunidade internasionál atu loke espasu foun ba Prabowo liu husi juridisaun universal nune’e bele julga autór sira ne’ebé komete krime kontra umanidade iha Timor Leste durante okupasaun militar Indonézia” dehan membru ANTL, Carlito da Costa, iha edifisiu HAK, Segunda (25/3).

Entretantu, Koordenadór Konsellu ANTL Sisto dos Santos hateten, deskobrementu mai husi Komisaun Verdade no Amizade (CVA) hetan ona.

“Agora verdade ida ba buka ita-nia ema sira ne’ebé lakon dezde Nicolau Lobato, Sabalai to’o mai labaraik rihun ba rihun ne’ebé lakon ita seida’uk hatene sira-nia paraderu, tanba ne’e maka ita kestiona ida ne’e”, tenik koordenadór Board ANTL Xisto dos Santos.

Membru ANTL, José Moniz husi JSMP hateten, rekonsiasaun hanesan parte ida no rekonsiliasaun ne’ebé Estadu rua halo la signifika rekonsilia ho autor kriminozu sira.

Rekonsiliasaun entre povu ho povu maibé responsabilidade kriminal ne’e nafatin tenke ezije saida maka sira komete ne’e prosesu akuntabilidade, prosesu justiza sira iha nafatin obrigasaun atu responsabiliza.

Rate this item
(2 votes)
Last modified on Tuesday, 26 March 2019 17:43
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items