Login to your account

Username *
Password *
Remember Me

PM Taur: Polítika Fó Subsídiu ba Estudante Iha Estrajeiru, Labele Lori COVID-19 Mai TL

Primeiru Ministru Taur Matan Ruak iha Plenaria Parlamentu Nasional (11/8) Primeiru Ministru Taur Matan Ruak iha Plenaria Parlamentu Nasional (11/8) Foto Tempo Timor

Tempotimor (Dili)-Primeiru Ministru (PM) Taur Matan Ruak afirma, polítika governu  nafatin fó subsídiu ba estudante timor oan  iha rai liur, tanba governu hakarak estudante hirak ne'e mantein lai iha ne'ebá, atu labele lori moras covid-19 mai Timor-leste.

Tanba ne'e nia dehan governu hola pozisaun ajuda deit estudante iha rai liur no la ajuda estudante sira iha rai laran.

Kona-na subsídiu ba estudante rai laran, Nia dehan, wainhira halo konparasaun  estudante iha rai liur no  rai laran, parte rua ne'e iha situsaun ne'ebe diferente no la hanesan.

"Governu fó subsídiu ba ita nia estudante iha rai liur, ho rajaun mak liu-liu ita impede sira labele mai ita nia rai laran para lori moras mai ita, ne'e mak ita fó ne'e,"dehan PM Taur liu husi debate estra ordináriu iha PN, tersa (11/8).

Molok ne'e, estudante Universitáriu Iha rai laran kompostu husi UNPAZ, UNTL, UNDIL, UNITAL, IOB, DIT, ICS no ISC Ne'ebe forma grupu Aliansa Universitáriu Timor-Leste (AUTL) ezije ba governu atu  hapara polítika injustu ba estudante universitariu iha rai-laran.

Tuir, Porta-vós AUTL, Moises Magno hatete, iha problema pandemia Covid-19 governu foti desizaun politika fó subsídiu ba estudante timoroan iha rai liur ho razaun nesesidade finanseira depende ba rendimentu familiár iha Timor-Leste.

Ba apoiu ida ne'e, nia konsidera governu halo ona diskriminativu ba estudante universitáriu  iha rai-laran.

Tanba tuir-nia, inplementasaun estadu emerjensia  ne'ebe Timor-Leste kria hodi prevene pandemia Covid-19 durante fulan tolu, difikulta mós estudante iha Timor-Leste  hasoru krize finanseira.

Maiske estudante sira iha Timor-Leste hasoru krize finanseira hirak ne'e maibé governu la preokupa. 

Ne'e duni, nia husu ba Govemu atu kria mós desizaun  oinsa fó livre propinas semester ba estudante rai-laran, iha tinan akadémiku 2020 nian.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter