Ekipamentu Saúde Unidade 33 Liuhusi UNDP To'o TL

Vise Ministru Saude, Bonifacio Maucoli dos Reis ko'alia ba Jornalista sira iha Palasiu governu Vise Ministru Saude, Bonifacio Maucoli dos Reis ko'alia ba Jornalista sira iha Palasiu governu Foto File

Tempotimor (Dili) - Ekipamentu saúde ne'ebé Governu Timor-Leste sosa liuhusi United Nations Development Programme (UNDP) hamutuk unidade 33, inklui ventiladór sanulu (10) to'o Timor-Leste.

Ekipamentu hirak ne'e Governu sosa atraves Fundu Covid hodi halo prevensaun ba moras Coronavirus Disease 2019 (Covid-19) iha Timor-Leste.

Vise-Ministru Saúde, Bonifácio Maucoli dos Reis hateten, fundu Covid-19 ho montante tokon US$5 ne'ebé governu fó husi UNDP hodi hola ekipamentu saúde, inklui ventiladór sira.

"Item 33 mak iha ona Timor-Leste, agora ita hein faze datoluk nian. Ne'ebé, espera iha faze datoluk ne'e ekipamentu sira ne'ebé liuhusi UNDP kompletu ona," dehan nia, ba jornalista sira, iha edifísiu SAMES, Kampung Alor, Kuarta (12/08).

Entretantu, tuir informasaun, ekipamentu husi UNDP iha faze datoluk mai TL ne'e sei to'o iha fulan-Agostu nia rohan.

"Item sira ne'ebé to'o ona iha TL mak ventiladór 10, ai-moruk, medikamentu, ekipamentu protesaun individuál no seluk tan," nia dehan.

Fundu ne'ebé governu TL prevé hodi hola ekipamentu kuarentena no izolamentu nian ne'ebé hola husi UNDP, antes ne'e dehan to'o iha TL fulan-Maiu, maibé realidade fulan-Agostu foin unidade 33 maka tama. (*)

Rate this item
(0 votes)
Last modified on Wednesday, 12 August 2020 22:02
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.