Login to your account

Username *
Password *
Remember Me

KM Aprova Dekretu-Lei Subsídiu Ba Jornalista Liña Frente

Reuniaun Konsellu Ministru Reuniaun Konsellu Ministru Foto File

Tempotimor (Dili) - Konsellu Ministru (KM) aprova ona projetu dekretu-lei kona-ba atribuisaun subsídiu ba jornalista sira ne'ebé durante Estadu Emerjénsia pandemia Coronavirus Disease (Covid-19) hola parte iha liña frente.

Tuir rezolusaun ne'e, subsídiu ba ema sira ne'ebé hala'o atividade jornalistika iha sala situasaun Sentru Integradu Jestaun Krize (SIJK) durante vijilánsia Estadu Emerjénsia ne'ebé deklara ona husi dekretu Prezidente Repúblika nian, númeru 29/2020, loron 27 fulan-Marsu no númeru 32/2020, loron 27 fulan-Abríl, iha kondisaun direita espozisaun ba virus SARS-CoV2 nian.

Ministru Prezidensiál Konsellu Ministru, Fidelis Leite Magalhães hateten, subsídiu ne'ebé aprova ona legalidade ne'e ba de'it jornalista ne'ebé hola parte iha liña frente durante tempu kombate pandemia Covid-19.

"Jornalista hirak ne'ebé hala'o atividade jornalistika bele hetan subsídiu ne'e, maibé importante tebes atu sira ne'e, inklui iha despaxu ida ne'ebé mak MAPKomS aprezenta no sira nia naran verifikadu no hetan sertifikasaun husi Sentru Integradu Jestaun Krize (SIJK) para atu evita ba sira ne'ebé la hola parte iha liña frente mezmu jornalista maibé la kualifika", dehan Fidelis, hafoin reuniaun Konsellu Ministru, iha Palásiu Governu, Kuarta (12/08).

Nia dehan, rezolusaun kria subsídiu ba jornalista liña frente ne'ebé hetan ona aprovasaun husi Konsellu Ministru, no sei haruka ba Prezidente Repúblika hodi hetan promulgasaun.

Entretantu, projetu dekretu-lei ne’e aprezenta husi Ministru Finansas (MF), Fernando Hanjam ho Ministru Asuntu Parlamentár no Komunikasaun Sosiál (MAPKomS), Francisco Jerónimo. (*) 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter