Login to your account

Username *
Password *
Remember Me

Governu Buka Tuir Lei “Espesial” ba Pandemia neebé Haruka ona ba PN

Ministru Asuntu Parlamentár no Komunikasaun Sosiál (MAPKOMS) Francisco Jerónimo ko'alia ba média sira iha Parlamentu Nasionál Ministru Asuntu Parlamentár no Komunikasaun Sosiál (MAPKOMS) Francisco Jerónimo ko'alia ba média sira iha Parlamentu Nasionál Foto Tempo Timor

Tempotimor (Dili)-Atu Timor-Leste labele moris hela deit iha situasaun Estadu Emerjensia relasiona ho pandemia Covid-19, governu hahú inisiativa hodi altera Lei Migrasaun no Ajiliu, no lei sistema saúde.

Alterasaun lei refere governu haruka ona ba Parlamentu Nasionál molok periodu resesu.

Molok nee, mosu kritika oioin, liu-liu husi deputadu opozisaun sira iha PN kona-ba implementasaun EE dahaat.

Iha hanoin balun katak EE dahaat la nesesidade, governu presiza deit kria lei hodi regula movimentu sidadaun sira atu evita Covid-19 tama Timor-Leste.

Ministru Asuntu Parlamentar no Komunikasaun Sosial (MAPKomS) Francisco Jerónimo informa, governu haruka ona proposta alterasun lei mígrasaun no ajílu, no lei sistema saúde, ba PN molok resesu.

Tan ne'e, Jeronimo dehan, nia hasoru-malu ho Prezidente PN Aniceto Guterres hodi konfirma lei refere, tanba bainhira governu aprezenta EE dahaat deputadu sira kontinua ezije lei sistema saúde no lei mígrasaun no ajílu.

"Ohin mai halo enkontru ho Prezidente PN kona-ba lei sira ne'ebé hanesan ita-boot sira rona iha plenariu PN, kona-ba lei sistema saúde, Lei mígrasun no ajíliu, ne'e deputadu sira dehan lei sira ne'e seidauk lori mai Parlamentu Nasional, dehan katak governu la prepara buat sira ne'e.

Entaun, hau mai atu koalia fila-fali ho prezidente Parlamentu Nasional atu fó hanoin fali tanba lei ne'e governu lori tiha mai parlamentu nasional antes resesu," dehan Jeronimo hafoin hasoru-malu ho Aniceto, Kinta (13/08).

Nia esplika, lei migrasaun no ajiliu, no sistema saúde, atu fó posibilidade ba governu foti desizaun bainhir mosu situasuaun kalamidade, liu-liu pandemia covid-19 ne'ebé mosu iha TL.

"Husi lei ne'e oinsa mak bele fó baze legal ba governu atu bele halo asaun ruma, atu limita ema, sidadaun, sira-nia sirkulasaun, bainhira kuandu moras sira ne'ebé atu akontese," katak nia.

Atu aselera prosesu alterasaun lei ne'e, Ministru Jeronino fó hanoin ba Prezidente PN, karik bele konvida fali deputadu sira hodi deskuti lei ne'e.

"Kuandu estadu emerjensia dahaat nian remata, se lei ne'e hotu ona, lori ba Prezidente Republika bele promulga, par ita lalika hamosu tan estadu emerjensia, Maibe se EE remata mak lei ne'e laiha, ne'e ami foin haree fali alternativu seluk," dehan nia.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter