Angela dehan, daudauk nee kazu kona-ba ninia deklarasaun hasoru Armanda rejistu ona iha tribunal, tan nee nia preparadu ona atu ba hatan iha kualker tempu.
"Sim, klaru, sempre prontu par atu hasoru kualker situasaun, deklarasaun ne'ebé lansa iha públiku, ita iha responsábilidade par atu hasoru iha kualker momentu, tanba ita iha faktus konkretus par atu bele komprova," dehan Àngela iha sede nasional RNDJ-KRDTL, Bairo Formoza, Kinta (13/08).
Ba deklarasaun husi parte familia katak Armanda Berta nia orijinalidade nu'udár Timor-oan, nia dehan, atu komprova tenke iha teste DNA hodi bele hatene ema nee ninia orijen.
"Sim klaru, ne'e só DNA mak bele komprova katak ema ne'e orijinál husi ne'ebé," dehan nia.
Angela dehan, nia hatoo deklarasaun ida nee laos tanba laran moras ba kargu neebé Armanda hetan, maibé hakarak atu fakar sai deit faktus balun neebé iha.
"Hau laos kestiona de'it nia nasionalidade, maibé ha'u kestiona mós nia kapasidade, no halo nusá mak hau cemburu, sé hau rasik kualifikasaun husi Australia, nasaun ida mais avansadu," dehan nia hodi hatan kona-ba hanoin balun neebé hatete katak Angela hatoo kritika tanba laran moras.