Print this page

MJ Sei Negosia ho Nasaun Hotu Atu Fasilita Uma ba Embaixada

By August 14, 2020 2149
Ministru Justisa (MJ) Manuel Cárcres Ko'alia hela ho jornalista sira iha PG tempu balun ba kotuk Ministru Justisa (MJ) Manuel Cárcres Ko'alia hela ho jornalista sira iha PG tempu balun ba kotuk Foto Tempo Timor

Tempotimor (Dili)- Tuir planu Ministru Justisa (MJ) Manuel Cárceres sei halo negosiasaun ho nasaun ne'ebé sira nia embaixada iha timor-leste atu bele sira mos bele fasilita fatin ba embaixada Timor-Leste nian iha sira nia nasaun.

Nia dehan, presiza halo duni resiprosidade tanba, durante ne'e ita nia embaixada iha liur halo kontratu ho uma privadu de'it, tan ne'e planu ne'e sei liu-husi Ministériu Negósiu Estranjeiru no Koperasaun (MNEK) mak bele halo negósiasaun.

"Iha mos intensaun atu halo mos ho embaixada sira seluk, hau ko'alia ona ho Ministra Negósiu Estranjeiru no Koperasaun (MNEK) no sei haruka karta ba par halo negósiasaun", dehan MJ Cárceres iha nia knar fatin edifísiu Ministériu Justisa kaikoli, kinta (13/08).

Tuir Nia, tenke halo resiprosidade tanba, embaixada husi nasaun seluk ne'ebé iha timor-leste, hotu uza uma estadu maibé, durante ne'e ita nia embaixada iha nasaun seluk halo kontratu ho fali uma privadu tan ne'e, presiza negósiasaun par sira mos bele fasilita uma estadu ba ita nia embaixada.

"Halo nune'e par evita ita nia embaixada ne'ebé halo kontratu ho ema partikular se lae ulun moras tanba, ita nia embaixada halo kontratu partikular ne'e uma privadu, mais se Estadu ho Estadu taun diak liu tan",Nia dehan

Nia mos dehan, Timor-leste foin mak halo resiprosidade ho embaixada Estadu Unidus Amerika maibé ba nasaun sira seluk sidauk.

"Resiprosidade ne'e foin mak ho embaixada Estadu Unidus Amerika nasaun sira seluk sidauk, tanba ne'e ohin ko'alia ho Estadu Unidus Amerika ne'e hanesan ezemplu par depois hau husi embaixada portugal, Indonesia, Cuba, Xina, Korea do Sul iha ne'e ita fo uma estadu hotu, entaun ita nian iha neeba mos ko'alia par depois bele ajuda ita",tenik nia.

Entertantu embaixada kuaze iha timor-leste halo kontratu arendamentu ho estadu tan ne'e, ita mos sei husu hotu resiprosidade ba sira par bele fasilita mos embaixada iha sira nia rain.

Rate this item
(0 votes)
Last modified on Friday, 14 August 2020 08:04
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items