Print this page

MOP Entrega Servisu Planu Urbanu Territoriál Ba MPOT

By August 14, 2020 1316
Ministru Obras Públika (MOP) Salvadór Pires ko'alia hela ho jornalista sira iha Palásiu Governu. Ministru Obras Públika (MOP) Salvadór Pires ko'alia hela ho jornalista sira iha Palásiu Governu. Foto Tempo Timor

Tempotimor (Dili) - Tuir orgánika Dekretu Lei númeru 8/2019, loron 24 fulan-Abríl, Ministériu Obras Públika (MOP) toma konta mós ba servisu politika planu urbanu territoriál.

Maibé servisu ne'e tenke entrega ba Ministériu Planu Ordenamentu Territoriál (MPOT) hafoin governu halo alterasaun ba lei orgánika.

Ministru Obras Públika, Salvador Pires hateten, entrega fali programa polítika palun urbanu tanba, antes ne'e iha hela MOP nia okos.

"Agora konjuntura polítika foun ne'e pasa fali ba Vise-Primeiru Ministru no Ministériu Planu Ordenamentu Territoriál mak iha nesesidade para halo mudansa", dehan nia, hafoin hasoru-malu ho Primeiru Ministru, Taur Matan Ruak, iha Palásiu Governu, Sesta (14/08).

Nune'e, mos atu reforma diresaun rua ba empreza públika no harii mós autoridade rua hodi kontrola.

"Ami halo reforma institusionál ba diresaun jerál eletrisidade no mós agua no saneamentu atu transforma ona ba empreza públika no mós atu harii autoridade rua bee ho saneamentu no eletrisidade", tenik Salvador. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items