Ho situasaun ida ne’e, Lere prefere atu oho-malu de’it duke kontinua husi sira-nia maluk ne’ebé terus tinan naruk nia laran hodi luta ba ukun rasik an kontinua moris susar.
“Be ami mós hanesan ne'e, veteranu sira mós tenke hetan direitu ida ne'e ka lae. Veteranu sira 24 anos halo funu, laiha direitu ida, deputadu ida, 5 anos ka 3 anos de’it, iha direitu ida ne'e, di’ak liu ita oho-malu, duke ita moris iha terus nia leten,” hatete Lere iha Kuartel Jenerál F-FDTL Fatuhada, Tersa (18/08).
Nia konsidera situasaun ida ne'e hanesan injustisa boot ida ba veteranus sira, tanba deputadu sira kada tinan simu osan, hafoin tinan 5 sira sempre troka karreta luxu, enkuantu veteranus sira laiha.
“Ida ne'e halo ita-nia fuan kanek, mais ha’u konfia katak atravez ho ita-nia konsellu no ministériu Veteranus ne'ebé iha sei bele rezolve problema ida ne'e,” nia espera.
Maske hatete ona hakarak oho-malu, maibé Lere mós dehan katak tempu oho-malu liu ona, daudauk ne’e dalan mak liu husi dialogu hodi buka solusaun ba problema no injustisa ne’ebé iha.
PUBLISIDADE HUSI MOP FO PARABEMS BA LORON FALINTIL