PR Lú Olo: Konstituisaun La Hatete Sidadaun Obriga PR Rezigna An

By Tempo Timor August 19, 2020 2982

font size decrease font size increase font size
Print
Email

Prezidente Repúblika (PR) Francisco Guterres Lú-Olo hatán hela perguntas husi jornalista sira iha Igreja Motael Dili. Kuarta (19/08) Foto Tempo Timor

Tempotimor (Dili)-Prezidente Repúblika Francisco Guterres Lu Olo deklara katak, nia sai PR tanba hetan konfiansa husi povu, la’os tanba grupu ida mak hili nia, no Konstituisaun RDTL mós la hatete katak sidadaun sira bele ezije PR atu rezigna an.

Deklarasaun PR Lú Olo ne’e relasiona ho planu asaun pasifiku husi grupu Rezistensia Nasionál Defende Justisa no Konstituisaun RDTL (RNDJ-KRDTL) ne’ebé lidera husi Ángela Freitas ho objetivu atu hatuun Prezidente Republika husi ninia kargu.

"Konstituisaun la hatete katak sidadaun sira ba ezije ka obriga fali prezidente par rezigna an fali husi Prezidente Repúblika (PR), konstituisaun la hatete, tanba PR ne'e povu mak hili, la'ós grupu ida mak hili," dehan PR Lú Olo hafoin misa ba aniversáriu Falintil ba dala 45, iha Igreja Motael, Kuarta (19/08).

Tan ne’e, Lú Olo husu ba Angela atu tau an hanesan sidadaun hodi tuir konstituisaun.

"Liberdade no demokrásia ne'e ba ema hotu par atu halo, maibé tenke la'o tuir dalan konstituisaun nian," xefe estadu ne'e dehan.

PUBLISIDADE HUSI MOP FO PARABEMS BA LORON FALINTIL

Rate this item

(0 votes)

Last modified on Thursday, 20 August 2020 00:22

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com