Tanba ne'e, husu atu jerasaun patriota sira akumula mós jerasaun autonomista sira iha prosesu dezenvolvimentu nasionál.
Jeneral Lere hateten, sei entrega konfiansa ba jerasaun patriota sira no husu atu akumula ema ne'ebé lakohi ukun aan nia oan.
Lia-hirak ne'e hato'o iha diskursu komemorasaun loron Forsa Armada Libertasaun Nasionál Timor-Leste (FALINTIL) ba dala XLV, iha Kuartél Jerál FALINTIL-FDTL, Fatuhada, Dili, Kinta (20/8).
"Jerasaun Patriota sira imi jerasaun FALINTIL nian, ami entrega no konfia futuru ba imi, imi nia aman no inan sira terus no susar, balun mate ba independénsia, imi tenke la'o tuir imi nia inan ho aman sira-nia ain fatin," dehan Lere.
Eis-gerrileiru hateten, jerasaun patriota sira organiza malu inkluk akumula timoroan sira ne'ebé uluk nia inan-aman lakohi ukun-aan hodi dezenvolve nasaun.
"Imi tenke hamutuk nafatin, organiza malu atu dezenvolve ita-nia rai, ita moris iha Timor, timoroan buka halibur mós sira ne'ebé nia inan-aman uluk lakohi ukun aan ka ita-nia opozisaun atu hamutuk ho ita dezenvolve ita-nia rain," dehan Lere. (*)