Lere ‘Curhat’ Kondisaun F-FDTL iha Loron FALINTIL

Xefe Estadu Maiór Jerál F-FDTL Maijór Jenerál Lere Anan Timur Xefe Estadu Maiór Jerál F-FDTL Maijór Jenerál Lere Anan Timur Foto Supply

Tempotimor (Dili) - Xefe Estadu Maiór Jenerál Forsa Armada FALINTIL-FDTL, Majór Jenerál Lere Anan Timur, 'curhat’ kondisaun iha instituisaun FALINTIL-FDTL nian ne'ebé seidauk la’o di'ak. Nune’e, aproveita agradese mós ba apoiu husi país parseiru sira hodi dezenvolve FALINTIL-FDTL.

Nia dehan, FALINTIL-FDTL bele kumpre didi'ak ninia knaar tuir Konstituisaun haruka ba garante independénsia nasionál, integridade territoriál, liberdade no garante mós populasaun nia seguransa.

Iha área rekursu umanu tuir kadernu planu estratéjiku 2020, FALINTIL-FDTL tuir loloos atinji ona ho númeru soldadu 3.600, maibé tanba situasaun impase polítika planu la konsege atinji.

Maibé, governu halo esforsu hothotu atu liu tiha impase polítika ne'e halo kompletu, nune'e númeru ne'ebé efetivu to’o tuir planu hodi bele kumpre mós kompromisu internasionál hodi kontribui ba operasaun manutensaun pás iha mundu.

 

PUBLISIDADE HUSI MOP FO PARABENS BA LORON FALINTIL

Iha parte seluk, Lere hateten, FALINTIL-FDTL ninia enjeñaria fó ona apoiu ba nasaun iha tempu hothotu, sira serbí hodi enfrenta klamidade hanesan foin lalais kontribui halo kompletu infraestrutura no fasilidade saúde nian ba kuarentena no izolamentu ba moras Covid-19.

"Ita kapasita nafatin ita-nia rekursu umanu hodi servisu hamutuk ho parseiru internasionál sira hodi fó formasaun no treinamentu ba ita-nia efetivu sira," dehan Lere liuhusi nia diskursu iha komemorasaun loron FALINTIL ba dala XL, iha Kuartél Jerál, Fatuhada, Kinta (20/8).

Nune'e, eis-gerrilleiru ne'e agradese ba país parseiru sira ne'ebé durante ne'e koopera ho FALINTIL-FDTL hodi dezenvolve instituisaun ne’e.

"Ita agradese país belun sira Estadus Unidus Amérika, Portugál, Austrália, Indonézia, Nova Zelándia, Malázia, Xina no Japaun, ne'ebé apoiu ita-nia formasaun no kapasitasaun efetivu FALINTIL-FDTL nian," dehan Lere.

Kona-ba infraestrutura, Lere hato'o agradese ba apoiu husi Austrália ne'ebé harii espesialista enjeñaria no formasaun inglés iha Metinaru.

Agradese mós ba Repúblika Populár Xina ba apoiu edifísiu Kuartél Jerál no bairru militár iha Metinaru.

"Ita presiza meius formasaun profisionál forsa armada nian, liu besik tinan 20 ona meiu ne'ebé forsa armada iha la rekompensa ba sira-nia esforsu no preparasaun, dezenvolvimentu meiu materiál, presiza liu meiu ida ne'e. Maibé justifikasaun ne'ebé hato’o mai mak impase polítika tan ne'e buat hothotu sei la’o tuir saida mak ita hakarak," dehan Lere.

Tuir Lere, Timor-Leste hanesan nasaun Joven, FALINTIL-FDTL hakarak nafatin kria relasaun di'ak ho nasaun hothotu, liuliu nasaun viziñu Indonézia ho Austrália. (*)

Rate this item
(0 votes)
Last modified on Monday, 24 August 2020 07:46
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks