Login to your account

Username *
Password *
Remember Me

Tempu Besik Governu Sei Harii Uma Ba Veteranu Na'in 60

Ministru Asuntu Kombatentes Libertasaun Nasionál (MAKLN) Julio Sarmento da costa "Meta-Mali" Hatán hela perguntas husi jornalista sira iha Kuartel Jerál Fatuhada Dili, Kinta (20/08) Ministru Asuntu Kombatentes Libertasaun Nasionál (MAKLN) Julio Sarmento da costa "Meta-Mali" Hatán hela perguntas husi jornalista sira iha Kuartel Jerál Fatuhada Dili, Kinta (20/08) Foto Tempo Timor

Tempotimor (Dili)-Relasiona ho kondisaun moris veteranu sira-nian mak governu daualu liuhusi Ministériu Asuntu Kombatentes Libertasaun Nasionál (MAKLN), planeia ona sei halo uma ba veteranu ho grau 20-24 hamutuk na'in 60 ne'ebé governu identifika ona hodi valoriza sira-nia luta durante tinan 24 nia laran.

Lia hirak ne'e hato'o husi Ministru Veteranus Julio Sarmento “Meta-Mali” hafoin partisipa iha komemorasaun tinan 45 ezisténsia Falintil nian iha Kuartel Jerál Fatuhada Dili.

“Ita ko'alia mós kona-ba 24 anus ne'e ami hetan ona dadus pur volta na'in 60 mak hetan 20-24 anus. Entaun presiza halo konstrusaun uma ba sira na'in 60 resin ne'e," hatete Ministru Julio Sarmento ba jornalísta sira hafoin serimónia aniversáriu Falinitl ba dala-45 iha Kuartel Jenerál F-FDTL, Fatuhada, (20-08).

Nia dehan, uma ne'ebé governu atu halo ba veteranu sira, diferente ho uma sira ne'ebé antes ne'e parte MSSI halo hodi fó ba komunidade sira, maibé pelumenus governu tenke halo uma ida ne'ebé iha kondisaun, tuir tradisaun Timor nian iha família.

Entretantu, uma ne'ebé sei halo ba veteranu sira, sei la'o tuir faze.

"Faze prímeru governu sei halo uluk uma ba sira ne'ebé ho grau luta 20-24, depois finaiza tiha, sei haree tan ba sira ne'ebé ho garu luta 15-19. Signifika iha vantajen para halo ba sira hotu, mais ita labele foti dala ida, ne'e problema, depois ita finaliza tiha ida ne'e, maka ita haree fila-fali sira seluk” dehan nia.

Nia dehan, ba veteranu sira ne'ebé iha ona uma, konsidera katak uma estadu nian maka sira hela ona, no governu sei fó de'it osan.

“Polítika ministériu nian liu-liu responsabilidade governu tomak atu ami bele diskute no konsidera asuntu rua ne'e, ida ba sira nia pensaun ne'ebé pelumenus hetan netik vitalísia ba sira-nia moris nomós halo netik konstrusaun uma ba sira tuir fatin ne'ebé sira maka deside”, dehan nia.

Nia hatutan, governu alende halo uma no fó pensaun ba veteranu sira, maibé sei fó mós apoiu ba faluk no oan kiak sira ne'ebé balu oras ne'e moris iha susar laran no sei fó mós pensaun ba martires nia oan ne'ebé hala'o hela estudu.

“Ba kiak sira ne'ebé hala'o estudu, no ami tenke akompaña sira nia estudu ne'e to'o remata, ida ne'e ami la selu sira nia eskola, mais pelumenus ami fó subsídiu atu fó kaman ba família hodi selu sira nia semestre karik eskola iha rai-laran no liur," Meta Mali dehan

 

PUBLISIDADE HUSI MOP FO PARABENS BA LORON FALINTIL

Rate this item
(0 votes)
Last modified on Monday, 24 August 2020 08:09
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter