Login to your account

Username *
Password *
Remember Me

MPM Husu Prezidente Timor Gap Fera Ulun Buka Retornu

Ministru Petroleum no Minerais (MPM) Victor da Conceição Soares ko'alia hela ho jornalista www.tempotimor.com Ministru Petroleum no Minerais (MPM) Victor da Conceição Soares ko'alia hela ho jornalista www.tempotimor.com Foto Tempo Timor

Tempotimor (Dili) - Ministru Petróleu no Minerais (MPM), Víctor da Conceição Soares hateten, orientasaun governu hakarak atu Timor Gap halo mudansa no husu Prezidente Timor Gap foun fera ulun hodi fó retornu ba Estadu.

Víctor da Conceição Soares hateten lia hirak ne'e ba www.tempotimor.com iha nia knaar fatin Mandarín, Dili, Segunda (24/8).

"Mekanizmu implementasaun ne'e Timor Gap mak fera ulun oinsá mak partisipa iha ne'ebá, tenke tama iha negósiu. Labele durante ne'e mak konsume de'it. Governu injeta mas depois nia retornu laiha," dehan Víctor.

Nia hatutan, polítika governu nian mak fó intensivu, motivasaun dudu para Timor Gap halo partisipasaun iha negósiu.

Tuir Víctor, Timor Gap kria para atu halo negósiu atu fó taxa ka retornu ba Estadu, maibé durante ne'e laiha retornu ba kofre estadu.

"Iha ne'ebé? Ita nunka asiste tinan 10-resin ka bele dehan mandatu rua tinan 8 ka 9 nia-laran. No tinan-tinan osan boot liu mak ba iha ne'ebá, mas osan sira ne'e nia retornu iha ne'ebé? Ita la asiste ida! Polítika sira hanesan ne'e mak presizamente halo mudansa," dehan nia.

 

HAKARAK HATENE PARTISIPASAUN MAUN BO'OT XANANA GUSMAO IHA KOMBATE COVID 19 LOKE VIDEO IHA KARAIK NE'E.

<iframe width="560" height="315" src="https://www.youtube.com/embed/0uXuwzjCkMk" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>

 

Hataan kona-ba bele ka lae Timor Gap partisipa mós iha distribuisaun mina ba EDTL, nia dehan, bele maibé nia parte sei fó tempu ba Prezidente Timor Gap atuál hamutuk ho nia ekipa atu halo planu no preparasaun.

"Ezatamente ida ne'e, tanba ne'e ita fó tempu ba Prezidente foun ho nia ekipa para halo buat sira ne'ebé diferente, tanba ida ne'e mak iha duni reestruturasaun," tenik Víctor.

Nia esplika, kada tinan governu aloka orsamentu pur volta tokon US$60 to’o 80, daudaun ne'e projesaun ba 2020 até 2021 hahú husi tokon US$ 80.

"Agora ba oin ne'e Prezidente foun tenke fera ulun para oinsá halo partisipasaun negósiu iha rai-laran ka halo projesaun halo negósiu iha rai-li’ur, relativamente ho downstream nian," dehan nia.

Víctor konsidera Timor-Leste iha mina rasik, maibé realidade nasaun seluk mak fa’an fali iha Timor-Leste, nune'e governante ne'e la aseita no husu atu Timor Gap iha mudansa hodi partisipa iha negósiu.

"Agora ita na'in tiha ba mina rai, ema seluk mai fa’an fali mina-rai ba ita no ita la fa’an mina-rai, ne'e hanusa? Ne'e labele, partisipasaun modelu hanusa, sira nu'udar empreza, negósiu sira tenke fera ulun hodi buka partisipa," hateten nia.

Víctor mós husu atu Timor Gap halo emprestismu iha banku, nune'e iha responsabilidade bainhira iha dívida.

PUBLISIDADE HUSI MOP FO PARABENS BA LORON FALINTIL

"Empresta iha banku para halo negósiu hodi sente katak buat ida negósiu ne'e ita tenke deve, gasta iha funan para selu fali dívida ne'e, se não toman de'it ona ho orsamentu estadu aprova OJE depois sira gasta halo boot tan sira nia saláriu manan osan boot mas rezultadu laiha, ida ne'e la’ós objetivu atu estabelese Timor Gap nian," dehan Víctor.

Relasiona ho sentru kombustivel Timor Gap nian iha Suai, Víctor esplika, halo negósiu lukrutivu ne'e presiza haree merkadu ne'ebé boot, tanba Pertamina ne'ebé iha Suai laiha merkadu kompara ho Dili, Baukau no Bobonaru. (*)

 

Rate this item
(0 votes)
Last modified on Monday, 24 August 2020 16:34
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter