Koordenador rede defensoria direitus umanu (AJAR) Inocencio de Jesus Xavier hatete, pakote rekuperasaun ekonomia ne'ebé governu halo presiza investe iha agrikultura.
Tanba, tuir Inocensio, krize politika no pandemia Covid-19 halo povu agrikultura iha area rural afeita makaas, nune'e governu investe iha setor agrikultura hodi hasae rendementu agrikultura husi baze no kria kondisaun diak iha merkadu.
"Ami nia hanoin dalan ne'ebé diak liu mak investe iha area agrikultura, tanba situasaun Pandemia Covid-19 ne'e lahatene bainhira mak para, entaun se fundu Covid-19 ne'e hamosu polimika publiku nusa mak la tau osan ba setor agrikultura mobiliza agrikultor halo toos ho natar depois hadia merkadu para produsaun agrikultura distribui ba merkadu," dehan Inocencio iha nia Knar Fatin AJAR Palapasu Dili, Kuarta (25/8).
Koodernador Inocensio akresenta nia parte hakfodak ho termus rekuperasaun tanba Tuir nia halo exemplu termus rekuperasaun bainhira kuandu ro nakorma avaria depois impktu nakroma la halo opeeasaun, estadu tau osan para rekupera Ro refere.
"Hau hakfodak ho termus Rekuperasaun ne'ebé mak governu halo, tanba ita atu rekupera saida. Estadu seidauk iha empreza estatal ida hodi halo rekuperasaun," nia dehan
Inocensio akresenta, Rendementu estadu dependensia ba Fundu mina rai maibe inpaktu husi Covid-19 halo folin mina tun too 40 eipa dollar pur barel nune'e povu iha rural mak afeita makaas, nune'e Nia husu atu governu investe iha setor agrikultura laos deit tanba politika pois bolu malu pois serbisu laiha rezultadu.
"Rekupera ekonomia mak investimentu iha setor agrikultura, rekupera oinsa kuandu ita moris ho Orsamentu duadesimal, ne'e koalia politik deit ka iha intesaun bolu malu atu fo deit servisu ba malu maibe rezultadu laiha," Inocencio subliña
Entertantu, molok ne'e VIII governu konstitusional simu ona dokumentu husi komisaun planu rekuperasaun ekonomia ne'ebé mak aprova ona iha Konsellu ministru.
Nune'e rekomendasaun husi komisaun planu rekuperasaun ekonomia hamutuk medidas 71 ho sub seitor 8 hanesan ekonomiku jeralmente, turizmu, abitasaun, edukasaun, saúde, protesaun sosial, institusional inklui agrikultura rasik.
