"Ministériu Admistrasaun Estatál hahú ona halo rekrutamentu pur méritu ba Prezidente Autoridade Baukau no mós Administradór Munisípiu Vikeke ho Lautem, tolu ne'e mak hahu ona", dehan Ministru Administrasaun Estatál (MAE), Miguel Pereira de Carvalho, hafoin reuniaun Konsellu Ministru, iha Palásiu Governu, Kuarta (26/08).

Nia dehan, tempu tuir mai halo mós rekrutamentu ba Prezidente Autoridade munisipál no Administradór iha munisípiu sira seluk.

Nia informa, lista ba pesoál sira ne'ebé atu konkorre ba Prezidente Autoridade Munisipál Baukau, Vikeke no Lautem sei fo sai iha loron ohin 26 Fulan Agostu ba oin.

Antes ne'e, Prezidente Autoridade Munisipál Baukau mak António Augusto Guterres, Administradór Munisípiu Vikeke, Gregorio Henrique no Administradór Munisípiu Lautem, Jeferino dos Santos Sequeira. (*)

HAKARAK HATENE PARTISIPASAUN MAUN BO'OT XANANA GUSMAO IHA KOMBATE COVID 19 LOKE VIDEO IHA KARAIK NE'E.

<iframe width="560" height="315" src="https://www.youtube.com/embed/0uXuwzjCkMk" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>