“Sentru tratamentu Tibar daudauk ne'e Administrasaun Estatál liuhusi Munisípiu Dili halo hela prosesu tenderizaun hodi avalia empreza ida hodi sai jestor ba ateru kontroladu Tibar”, dehan nia, iha salaun Novu Turizmu, hafoin partisipa iha lansamentu drainajem Dili, Kinta (27/08).
Governante ne’e dehan, husi ambiente nia papel prinsipál maka halo avaliasaum ba dezeña tékniku ateru kontroladu ne'e atu bele fó sira lisensa ambiente hodi bele halo jestaun ba ateru kontroladu ne'e.
Nia dehan, lisensa ba ateru kontroladu maibe seidauk sai no dokumentu sei iha prosesu nia laran.
“Ateru kontroladu bele mós kria mekanizmu hodi halo separasaun bá lixu, liuliu lixu organika sira bele transforma ba adubu ka buak seluk”, Deometro esplika. (*)