Print this page

SEFOPE Agradese Ba Embaixada Portugál

By September 02, 2020 2228
Sekretáriu Estadu Formasaun Profesionál no Empregu (SEFOPE) Alarico do Rosário hetan hela perguntas husi jornalista sira iha edifísiu SEFOPE, Kaikoli, Kuarta (02/09) Sekretáriu Estadu Formasaun Profesionál no Empregu (SEFOPE) Alarico do Rosário hetan hela perguntas husi jornalista sira iha edifísiu SEFOPE, Kaikoli, Kuarta (02/09) Foto Tempo Timor

Tempotimor (Dili) - Sekretária Estadu Formasaun Profisionál no Empregu (SEPFOPE) agradese ba Embaixada Portugál tanba apoia no fasilita ona ba sidadaun Timor-Leste hodi bele ba servisu iha Europeia.

Sekretáriu Estadu Alarico do Rosário hateten, Portugál merese agradesimentu husi Estadu Timor-Leste tanba iha vontade di’ak hodi suporta timoroan sira ba servisu iha Inglaterra no Irlanda Norte.

"Ita agradese ba sira tanba durante ne’e sira fó apoiu makaas ba ita", dehan nia, iha edifísiu SEFOPE Kaikoli, Kuarta (2/9).

Nia hatutan, maski sidadaun Timor barak mak servisu iha iha Inglaterra no Irlanda, maibé sira trata vistu hanesan sidadaun Portugál.

Tanba ne'e, ba futuru SEFOPE sei koopera ho Portugál atu bele hadi'a tanba uluk kooperasaun ne’e entre Inglaterra no Irlanda ho Portugál la'ós Timor-Leste.

"Ita tenke buka atu hadi'a buat sira ne'e maibé ita labele ba ho hakfodak. Ita tenke ba ho neineik entre ita ho Portugál, tanba ita sempre servisu hamutuk ho Portugál no sira mós fó apoia ita iha área oioin", dehan nia.

Nia hatutan, ba futuru oinsá para manan konfiansa atu sira bele suporta nafatin Timor-Leste atu sai sentru exelente iha nivel ASEAN no internasionál. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com