Tuir deputada nee, regras prevensasaun neebé durante nee governu aplika iha EE komplikadu.
"Ita-nia prevensaun hau hanoin ne'e konfuzaun boot, bee atu fase liman iha eskola mós sai komplikadu, maskra ita uzu iha publiku ita haree disiplina laiha, pior liu tan mak distansiamentu sosial," dehan Fernanda iha plenaria extraordinaria ba pedidu autorizasaun husi Prezidente Repúblika atu renova EE, iha PN, Kinta (03/09).
Maske nunee, deputada nee dehan, nia konkorda ho EE dalima tanba kazu Covid-19 iha nasaun viziñu sira.
Iha fatin hanesan, deputadu bankada Fretilin Francisco Miranda Branco hatete, nia parte konkorda atu EE dalima tanba haree ba problema sira ne'ebé mosu iha nasaun viziñu sira.
Maibe, nia husu governu atu bele impoin kona-ba oinsa mak eduka sosiedade sira atu bele kontinua kumpre regras prevensaun.
"Ba fasilidade sira, hela fatin, no nesesidade sira governu tenke impoin, tanba ita haree fatin sira hanesan loza, fatin publiku sira ema dala-ruma lao la uza maskra, bee atu fase liman mós laiha ona," dehan nia.(*)