Hanesan publiku hotu hatene politika governu ne'ebe fo subsidiu ba deit rai liur no la fo ba estudante rai laran, maka estudante rai laran desidi hala'o manifestasun hasoru governu liu-liu Ministeriu Ensinu Superior Siensia no Kultura (MESSK) iha fulan hirak liu-bá.

Relasiona ho kestaun ne'e deputadu PD husu governu atu hare kestaun ne'e tanba estudante sira iha rai laran presiza tebes governu nia apoiu.

Nia hatutan, iha estudante barak mak foho oan, no mai sidade balun hela Deit iha kos, sira laiha osan atu bele selu sira nia hela fatin liu-liu osan atu selu sira nia propinas semeter.

"Estudante sira iha rai laran, presiza governu nia apoiu tanba sira laiha kbiit, atu selu sira nia hela fatin, laiha osan atu selu sira nia propinas, i nomos atu sustenta sira nia moris lor-loron, Iha dili," Dehan nia iha PN, Kinta (3/9)

Nia afirma se governu iha nesesidade atu kria Estadu emerjensia, entaun presiza mos kria nesesidade ruma ba povu tanba iha implementasun EE sira mukit tebes ba nesesidade.