Print this page

Prezidente PN Reza Atu Deputadu Sira Fuan Boot

By September 05, 2020 1896
Deputadu Aniceto Guterres atuál Prezidente Parlamentu Nasionál (PPN). Deputadu Aniceto Guterres atuál Prezidente Parlamentu Nasionál (PPN). Foto Supply

Tempotimor (Dili)-Vizaun Parlamentu Nasionál (PN) iha futuru hakarak harohan ba Maromak atu fó forsa no fuan boot ba deputadu sira, atu minimiza atitude no lala’ok polítika ne'ebé la merese iha demokrasia ne'e.

Liu husi atividade bensaun meza prezidénsia foun ne'e be hala'o iha Parókia Katedrál Dili, Sesta (4/9).

Prezidente Parlamentu Nasionál (PN), Aniceto Guterres hateten, bensaun ne'ebé halo ba meza prezidénsia PN maka hakarak harohan atu deputadu sira simu malu hikas hodi la’o tuir lia loos no justisa.

"Husu tulun ba Na’i Maromak hodi haraik forsa no fuan boot ba ami deputadu sira, atu rekoñese ami-nia indenizasaun hodi tuir lia loos no justisa ne'ebé tribunál fó sai ona", dehan nia, liuhusi intervensaun iha misa agradesimentu meza foun PN, iha Igreja Pároku, Sesta (4/9).

Aleinde ne’e husu, atu deputadu sira nafatin harii unidade iha diversidade polítika no husu deskulpa ba Igreja no povu kona-ba diverjénsia hanoin sira ne'ebé rezulta meza PN rahun.

Nia konsidera hahalok polítika hodi harahun meza PN, nu’udar atitude ne'ebé imorál polítika hodi hakanek povu nia konfiansa no vontade polítika iha demokrasia ne'e. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items