Login to your account

Username *
Password *
Remember Me

MAPKomS Sei Servisu Hamutuk Ho SEII Atu Habelar Informasaun Iha Suku

MAPKOMS, Francisco Jeronimo hasoru malu ho SEII iha palasiu do Governu Dili MAPKOMS, Francisco Jeronimo hasoru malu ho SEII iha palasiu do Governu Dili Foto Tempo Timor

Tempotimor (Díli) - Relasiona ho enkontru kooperasaun entre Ministériu Asuntu Parlamentar no Komunikasaun Sosiál (MAPKomS) ho Sekretaria Estadu Igualdade no Inkluzaun (SEII), atu servisu hamutuk, hodi tun bá suku, hodi habelar informasaun ba sosiedade sira, atu muda sira-nia hanoin tuan ba hanoin foun.

Ministru Asuntu Parlamentar no Komunikasaun Sosiál (MAPKomS), Francisco Martins da Costa Pereira Jerónimo hateten, sira mos hanoin hela, atu servisu hamutuk ho Sekretaria Estadu Inkluzaun no Jéneru, iha kooperasaun, nune'e atividades ne'ebé iha nível baze, presiza mos sira-nia partisipasaun.

"Iha suku ami mos sei lori sira bá iha ne'ebá, atu sira bele ko'alia direita ho komunidade iha baze, atu oinsá mak bele promove no muda hanoin ne'ebé uluk nian ba hanoin foun, atu nune'e bele iha igualdade jéneru nomos sensível ba jéneru ne'e, importante teb-tebes, atu ema hotu-hotu bele komunga tuir ita-nia hakarak ba rai ida ne'e", Ministru Asuntu Parlamentar no Komunikasaun Sosiál, Francisco Martins da Costa Pereira Jerónimo informa, hafoin enkontru ho Sekretáriu Estadu Inkluzaun no Generu, iha Palásiu Gabinete MAPKomS, kuarta (09/09).

Ministru hateten, sira fó hatene ba Sekretária Estadu Inkluzaun no Jéneru atu hamutuk ho MAPKomS, hodi nune'e bele tun ba iha baze ho programa ida bolu Naroman ba Suku, atu bele hato'o informasaun direita ba populasaun sira.

"Ohin dokumentus ne'ebé entrega mai husi Sekretária Estadu ne'e, dokumentus sira ne'ebé kona-bá planu nomos dokumentus regulamentu, hodi haree atu oinsá mak ami-nia kooperasaun ida ne'e mos, la bele haluha área ne'ebé Sekretária Estadu husu mai ha'u", hateten Nia.

Governante ne'e hatutan klaru katak, sei uza mídia sira, hodi halo publisidade liu-liu kona-bá igualdade jéneru mak bele haree, atu halo balansu husi nível hotu-hotu.

"Iha kooperasaun ne'e mós ami hakarak ko'alia ho Sekretáriu Estadu, atu nune'e atividades ne'ebé iha nível baze presiza mos sira-nia partisipasaun, ami mos fó hatene sira, atu bá hamutuk ho ami, atu nune'e bele bá hamutuk iha baze, tanba ami iha programa ida bolu Naroman ba Suku", haktuir Ministru.

Molok ne'e, Sekretária Estadu Egualdade Inkluzaun (SEEI), Maria José da Fonseca Monteiro de Jejus hateten, servisu lubuk boot ida ne'ebé sira-nia parte halo ona, liu husi ligasaun servisu entre institusaun rua ne'e, atu bele atualiza ba Ministru, atu nune'e servisu ba oin, bele la'o di'ak liu tan.

"Ami hanoin atu halo koordenasaun ne'ebé mak di'ak, atu asegura katak ita-nia mídia sira halo kobertura no reportajen, tenki sensível ba jéneru sira no ba ita-nia maluk defisiensia sira no sira ho orientasaun sexuál oi-oin ne'ebé sai komponente importante, iha ita-nia sosiedade", dehan Nia.

Nia akresenta, dokumentus ne'ebé ohin entrega ba Ministru, kona-bá lei kontra violénsia doméstika, konvensaun CEDAW rezolusaun Governu nian, kona-bá Planu Asaun Nasionál Kontra Violénsia Bazea ba Jéneru, rezolusaun Governu nian, kona-bá Orsamentu Sensível ba Jéneru, nomos Polítika Orsamentu Bazea ba Jéneru no dokumentus ida ne'e, hanesan referénsia wainhira halo promosaun ba igualdade jéneru.

Rate this item
(0 votes)
Last modified on Wednesday, 09 September 2020 20:00
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter