Ministru Prezidénsia Konsellu, Ministru Fidelis Leite Magalhães hateten, hamosu diresaun jerál ne'e ho intensaun atu reforsa dezenvolvimentu iha área sira iha rurál no lokál nian.

Projetu dekretu lei ne'e, aprezenta husi Ministériu Administrasaun Estatál (MAE), Miguel Pereira de Carvalho no hetan ona aprovasaun ba alterasaun husi Konsellu Ministru.

"Projetu Dekretu-Lei ne'e kria diresaun jerál ida ba dezenvolvimentu rurál, ho objetivu atu reforsa ba área sira dezenvolvimentu rurál no lokál nian", dehan Fidelis, iha Palásiu Governu, Kuarta (09/09).

Nia hatutan, diresaun jerál ne'e atu halo mós reforsu ba kompeténsia sira atuál diresaun nasionál ba modernizasaun administrasaun lokál.

Nune’e, administrasaun ne'ebé mós kria ona diresaun nasionál ne'ebé responsavel kona-ba área informátika no teknolojia informasaun ministériu nian no diresaun nasionál ne'ebé responsavel ba matéria protokolu, komunikasaun institusionál, relasaun públika no kooperasaun esterna ministériu nian. (*)