Login to your account

Username *
Password *
Remember Me

Dada Kadoras, Governu 'Hakruuk' Ba Politika Xanana

Ministru Petroleum no Minerais (MPM) Victor da Conceição Soares ko'alia hela ho média sira kona-ba prosesu dada kadoras mai Timor-Leste. Kuarta (16/9). Ministru Petroleum no Minerais (MPM) Victor da Conceição Soares ko'alia hela ho média sira kona-ba prosesu dada kadoras mai Timor-Leste. Kuarta (16/9). Foto Tempo Timor

Tempotimor (Dili)-Ministru Petróleu no Minarais (MPM), Vitór Conceição Soares hateten, atu dadak kadoras Greater Sunrise mai Timor-Leste, Governu kontinua nafatin politika husi eis-Xefe Negosiadór Prinsipál, Kay Rala Xanana Gusmão.

Tuir nia, atu dezenvolve Greeter Sunrise hodi dada kadoras mai Timor-Leste sei halo tan prosesu lubuk ida mak bele dada.

"Uluk tratadu delimitasaun fronteira iha aneksu B ne'ebé bolu rejime espesiál, atu kria rejime ida para depois iha ne'eba Australia nian sorin no Timor-leste nian sorin. Entaun, atu dezenvolve tenke kria juridiku ida ne'ebé bolu rejime espesiál tenke governu Australia ho Timor-leste tur hamutuk, tekniku sira haree buat hirak ne'e seidauk estabelese, tanba situasaun Covid-19", dehan Vitór, iha Palásiu Governu, Kuarta (16/09).

Governante ne'e akresenta, asuntu projetu tasi mane, governu nafatin kontinua polítika Xanana Gusmão nian ne'ebé antes ne'e luta hodi asina tratadu delimitasaun fronteira.

"Polítika ne'e desididu tiha ona, agora ezekusaun ita so bele halo adaptasaun buat ki'ik sira, labele halo buat foun", nia relata.

Nia esplika, Projetu tasi mane ne'e, ninia abranje buat luan boot, informasaun husi estudu parsiál, sei falta estudu balun nune'e governu sei fó konsiderasaun para depois bele hetan estudu hotu, atu estudu ne'e integradu husi parte hotu-hotu.

"Estudu ida sidauk halo ne'e, ita tenke halo hotu atu buat ne'e integradu", tenik Vitór.

Governante ne'e dehan, estudu ne'e tekniku sira Autoridade Nasionál Petrolíu no Minarais (ANPM), Timor-Gup no Institutu Petrolíu no Jeolozia (IPJ) sei analiza hela estudu ne'ebé uluk halo ona no saida mak seidauk halo.

Vitór relata, estudu konstrusaun ba projetu tasi mane ne'ebé halo ona mak, iha parte beaço, supply Base Betanu no Suai. Nia esplika, planu sira ne'ebé daudaun atu implementa la'ós partidu FRETILIN nian, maibé kontinuidade husi oitavu governu konstituisional kompostu husi FRETILIN, PLP no KHUNTO ne'ebé mosu ho plataforma entendimentu.

Nune'e, asuntu projetu tasi mane ne'ebé dadaun governu hala'o laiha buat foun, tanba ne'e plataforma entendimentu partidu tolu, FRETILIN, PLP no KHUNTO ne'ebé sei kontinua la'o.(*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter