Print this page

MAPKomS Husu KI Labele 'Halimar' Lei

By September 16, 2020 1479
Ministru Asuntu Parlamentár no Komunikasaun Sosiál (MAPKOMS) Francisco Jerónimo partisipa iha serimónia komemorasaun tinan 45 Falintil nian iha Kuarte Jenerál Fatuhada. Ministru Asuntu Parlamentár no Komunikasaun Sosiál (MAPKOMS) Francisco Jerónimo partisipa iha serimónia komemorasaun tinan 45 Falintil nian iha Kuarte Jenerál Fatuhada. Foto Supply

Tempotimor (Dili)-Ministru Asuntu Parlamentar Komunikasaun Sosiál (MAPKomS), Fransisco Jeronimo, husu ba Konsellu Imprensa (KI) atu labele 'halimar' ho lei tenke ezekuta funsaun bazeia ba lei atu garante ba profisionalizmu média nian.

"Hau husu Konsellu Imprensa sira hala'o funsaun loloos bazeia ba lei, atu bele garante hotu-hotu ninia partisipasaun no hakarak atu eleva ita-nia profisionalizmu iha media ho mos media na'in no organizasaun sira, ne'e mak hau hakarak estabelese regra ho loloos para halo tuir de'it saida mak estabelese iha lei, karik atu halo intervensaun ruma presiza kombina malu didi'ak atu hetan konsensu", dehan MAPKomS, hafoin reuniaun Konsellu Ministru, iha Palásiu Governu, Kuarta (16/09).

Governante ne'e dehan, hili média na'in ne'e kompeténsia Konsellu Imprensa nian, tan ne'e MAPKomS lakohi halo intervensaun direita.

"Ida ne'e Konsellu Imprensa nia kompeténsia atu organiza kongresu ba media na'in sira, se karik iha akontesimentu sira hanesan ne'e, sira ko'alia ba malu, ami hanesan governu lakohi interven direita iha laran, tanba ami hakarak husik buat ne'e la'o tuir sira-nia padraun no regra ne'ebé sira komunga", MAPKomS esplika.

Nune'e, prosesu hotu Konsellu Imprensa (KI) mak haree tuir regra ne'ebé vigór ona iha Konsellu Ministru.

"Hau hein Konsellu Imprensa mak pro-ativu atu haree. Se dehan tuir sira-nia regra loos hotu ona hau labele ba intervein iha laran, buat ne'ebé seidauk loos hanesan horibainhira hatama petisaun husik la'o," tenik nia.(*)

Rate this item
(0 votes)
Last modified on Wednesday, 16 September 2020 22:27
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items