Horta: Xanana Mak Restauradór Independénsia

Eis Komandante En Xefe das FALINTIL, Kay Rala Xanana Gusmao ho Eis Reprezentante especial CNRM iha diaspora, Dr. Jose Ramos Horta iha vizita ba suku sira iha Ermera (18/9) Eis Komandante En Xefe das FALINTIL, Kay Rala Xanana Gusmao ho Eis Reprezentante especial CNRM iha diaspora, Dr. Jose Ramos Horta iha vizita ba suku sira iha Ermera (18/9) Foto Tempo Timor

Tempotimor (Atsabe)-Hafoin viajem husi suku Katrai Lauana postu administrativu Letefoho iha tuku 17:35 to'o iha postu administrativu Atsabe Munisípiu Ermera iha tuku 19:20, kontinua kedan ho asaun karitativa no halo esklaresimentu kona ba prevensaun moras Covid 19.

Iha momentu hanesan eis Prezidente da Republika, Dr. Jose Ramos Horta haklaken ba publiku,  Xanana Gusmão mak restauradór independénsia Timor-Leste.

Horta dehan lia hirak ne'e, hafoin fó intervensaun ba asaun karitativa ne'ebé eis komandante en Xefe das FALINTIL, Kay Rala Xanana Gusmão halo ba povu kbiit laek iha korasaun postu administrativu Atsabe.

"Maun Xanana mak boot, nia mak ita-nia lider. Tanba nia mak ohin loron ita hela iha rai ida naran Repúblika Demokrátika Timor-Leste (RDTL)," dehan Horta liuhusi intervesaun ba atividade asaun karitativa iha postu Atsabe, Sesta (18/9).

Horta haklaken, ohin loron ema hotu moris iha liberdade, tanba Xanana.

"Nia (Xanana) mak restauradór independénsia. Independénsia iha 1975. Depois iha 7 Dezembru invazaun tama iha TL, depois Nicolau Lobato mate, ikus mai maun boot Xanana mak lori todan," katak Horta

Horta mós dehan, Xanana mak hulan todan hotu husi Luta nian, tanba reorganiza Fretilin, Falintil, diplomata sira no orienta, nune'e ita to'o 1999 referendum. ida ne'e mak Xanana Gusmão.

Entretantu asaun karitativa, iha suku katrai karaik no Lauana, eis komandante en xefe das FALINTIL, Kay Rala Xanana Gusmão distribui foos, supermi, semente no materiál konstrusaun nian ba komunidade sira.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.