PSHT Labele "Abuza Demais" Governu

SEJD ko'alia ba jornalista iha momentu ruma kotuk (21/9) SEJD ko'alia ba jornalista iha momentu ruma kotuk (21/9) Foto Tempo Timor

Tempotimor (Dili) - Sekretáriu Estadu Juventude no Desportu (SEJD), Abrão Saldanha, husu ba lider organizasaun arte-marsiál Persaudaraan Setia Hati Terate (PSHT) atu labele 'abuza' demais governu iha prosesu rejistrasaun.

Nia dehan, lider arte-marsiál PSHT presiza fó atensaun ka hapara membru sira ne'ebé ba sa'e sabuk, nune'e bele fó tempu ba governu atu prepara kondisaun ba reativa arte-marsiál.

Nune'e, Sekretáriu Estadu Juventude no Desportu (SEJD) bolu ona lider arte-marsiál PSHT atu fó atensaun ba membru sira.

"Ami bolu ona lider arte-marsiál ne'ebé nia membru kruza fronteira ilegál liuliu PSHT, informa ona ba sira no iha dadus investigasaun ne'ebé Polísia Nasionál Timor-leste (PNTL) halo fahe ona ba sira para bolu atensaun ba sira-nia membru", dehan Abrão, iha edifísiu Ministériu Finansas, Aitarak-Laran, horisehik.

Nia hatutan, bolu lider arte-marsiál PSHT atu hapara membru sira ba sa'e sabuk iha Atambua, nune'e labele prejudika ba prosesu rejistrasaun arte-marsiál sira nian.

"Nune'e sira hakmatek para fó tempu ba governu atu prepara di'ak liután kondisaun atu entrega arte-marsiál ba komunidade no sosiedade nia-laran", nia hakotu. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.