Xanana Ho Horta Lori Ksolok Ba Komunidade Grotu 

Lider karismatiku Kay Rala Xanana Gusmão ho Eis-Prezidente Republika José Ramos Horta iha roupa Tradisional wainhira simu husi Komunidade suku Grotu, Postu Same Vila, Munisípiu Manufahi (22/9) Lider karismatiku Kay Rala Xanana Gusmão ho Eis-Prezidente Republika José Ramos Horta iha roupa Tradisional wainhira simu husi Komunidade suku Grotu, Postu Same Vila, Munisípiu Manufahi (22/9) Foto Tempo Timor

Tempotimor (Manufahi)- Eis-Primeiru Ministru (IV governu) Kay Rala Xanana Gusmão ho Eis-Prezidente Republika (2022-2007) José Ramos Horta ninia prezensa komunidade suku grotu, postu administrativu, Same Vila, Munisípiu Manufahi sente kontente no haksolok tebes.

Tuir observasaun jornalista Tempotimor nian iha terenu nota katak, prezensa Premiadu Nobel da paz Dr. José Ramos Horta ho Lider karismatiku Kay Rala Xanana Gusmão iha fatin ne'eba, hetan partisipasaun maximu husi komunidade suku Grotu.

Herminia da Silva hanesan komunidade aldeia Satu, Suku Grotu, Postu Same Vila, Munisípiu Manufahi sente kontente tebes bainhira Lider Nasionál Kay Rala Xanana Gusmão ho Ramos Horta nia prezensa.

"Ami sente kontente tebes, Avo na'in rua nia vizita", dehan komunidade ne'e ba temopotimor iha suku Grotu, tersa (22/09).

Maske prezensa Xanana ho Horta iha fatin ne'eba lori oras balun de'it, maibé nia sente kontente no ksolok tebes.

"Avo na'in rua nia vizita ami simu ho liman rua no sente kontente no haksolok loos",tenik komunidade ne'e

Tuir komunidade ne'e, maske loron manas maibé, komunidade suku Grotu, Postu Same Vila, Munisípiu Manufahi sira la senti kolen, tanba kontente ho prezensa Lider Nasionál Kay Rala Xanana Gusmão ho José Ramos Horta ninia prezensa.

"Ami senti kontente liu, maske loron manas, maibé loron ida ohin ne'e, ami sente haksolok tebes", dehan Nia

Entertantu, vizita lider nasionál na'in rua Kay Rala Xanana Gusmão ho José Ramos Horta nian ne'e, prezensa maximu husi komunidade, Ferik no Katuas, Joven no labarik sira.

Rate this item
(0 votes)
Last modified on Tuesday, 22 September 2020 14:26
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.