Embaixadór Indonezia: Hasa’e Sintu no Rei Bandeira Indonezia ne’e La Di’ak

Timoroan sira ne'ebe ba sa'e sabuk iha Atambua Indonezia hetan seguransa husi Polisia BRIMOB Timoroan sira ne'ebe ba sa'e sabuk iha Atambua Indonezia hetan seguransa husi Polisia BRIMOB Foto Suplai

Tempotimor (Dili)-Embaixadór Indonezia iha Timor-Leste Sahat Sitorus la konkorda ho membru Persaudaraan Setia Hati Terate (PSHT) husi Timor-Leste ne’ebé ba tuir ezame hasa’e sintu iha Indonezia hodi halo juramentu no rei bandeira Indonezia nian.

Tuir Sitorus governu Timor-Leste no Indonezia presiza kria komunikasaun di’ak hodi haree kestaun ne’e.

"Arte marsiál sira ne'ebé tenke iha nia kritéria, tenke ba rejistu iha ministériu relevante, atu nune'e bele kria regulamentu ida ne'ebé la xoke malu iha kooperasaun nasaun rua ne'e nian," dehan Sitorus iha Fatuhada, Tersa (22/9).

"Ha'u haree ema timoroan sira ba sa'e sintu iha Indonézia, depois rein bandeira Indonézia, entaun tuir lei, ida ne'e ladi'ak, tanba ne'e ha'u hanoin, presiza hadi'a iha nivél ministru ka xefe estadu husi nasaun rua ne'e."

Embaixadór ne'e mós hein hela prezidente organizasaun sira atu informa mós ba governu Indonézia oinsa husi Komisaun Nasionál ba Desportu bele halo edukasaun sívika ba arte marsial sira atu bele rejistu hanesan iha Timor-Leste mós.

"Ha'u mós rona, Primeriu Ministru (PM), Prezidente Repúblika (PR) inklui Jenerál Lere Anan Timur, husu para halo demostrasaun iha KRAM, para bele iha kompetisaun ne'ebé loos, la'ós kompetisaun fali iha estrada ibun, ida ne'e ha'u mós la konkorda," nia subliña.

Embaixadór ne'e mós preparadu hela atu ko'alia ba Indonézia ho Timor-Leste, kona-ba saida mak presiza atu haree para atu promove di'ak talentu joven nian.

Rate this item
(2 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.