Xanana: Nicolao Lobato Mate Tanba Faila Estratejia Politika

Eis Komandante En Xefe das FALINTIL, Kay Rala Xanana Gusmao hato'o hela mensajen ruma iha fatin Eroi Bo'ot Saudozu Nicolao Lobato hakotu iis moris nian ba iha Mindelo, Turiskai, Manufahi (23/9) Eis Komandante En Xefe das FALINTIL, Kay Rala Xanana Gusmao hato'o hela mensajen ruma iha fatin Eroi Bo'ot Saudozu Nicolao Lobato hakotu iis moris nian ba iha Mindelo, Turiskai, Manufahi (23/9) Foto Tempo Timor

Tempotimor (Manufahi)-Eis Komadante ein Xefe Falintil Kay Rala Xanana Gusmão hatete, saudozu Nicolao Lobato mate iha Binani, Aldeia Maubesi, Suku Mindelu, Postu Administrativu Turiskai, Munisípiu Manufahi, tanba faila iha estratejia politika ba funu.

Eis Primeiru Ministru ne’e dehan, nia halo ona analiza ba saudozu Nicolao Lobato nia mate ne'e no nota katak iha naksalak iha estratejia.

"Ami mos halo ona analiza kona-ba, ita nia kesalahan (naksalak) estratejiaku, tanba sa mak ita lakon funu iha ne'eba", dehan Xanana iha ninia diskursu hafoin halo vizita ba fatin ne'ebé saudozu Nicolao Lobato hakotu iss ba, iha suku Mindelu, kurta (23/09).

Lider karismatiku Kay Rala Xanana Gusmão mos afirma, Saudozu Nicolao Lobato mate iha fatin Binani, tanba forsa Indonesia sira taka ka serku metin nia atu sai la diak.

"Nicolao Lobato mate iha ne'eba, tanba tama tiha mai sai la diak, ami ho saksi moris ida la'o husi ne'eba ba mosu iha holarua nia leten liu-husi mota mak mosu iha kablake, depois ba mosu iha Ainaru, ne'ebé fatin ne'e hau hatene tiha ona", Xanana akresenta

Nune'e, Lider Nasionál Kay Rala Xanana Gusmão husu ba joven sira suku mindelu atu hakerek istoria kona-ba populasaun Mindelu nia luta iha tempu funu par istoria labele lakon iha tempu oin mai.

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.