Tuir observasaun jornalista Tempotimor iha terenu nota katak, Lider Nasionál na'in rua ne'e, sai husi Same viala dader tuku 08:15 to'o iha suku Fahi-Nehan tuku 10:40 otl.
Prezensa lider na'in rua nian, komunidade suku Fahi-Nehan simu ho kultura tara tais, bidu no dadoli ho lian halerik katak, Lider karismatiku Kay Rala Xanana Gusmão ho Laureadu Novel ba Paz, José Ramos Horta hit an mai ami leet, hodi hamahan ami povu ki'ak sira.
"Avo Xanana Ho Ramos mak halihun boot hamahan povu ki'ik no kbit laek sira", dehan komunidade Fahi-Nehan, postu Fatuberlihu, Munisípiu Manufahi.
Entertantu, Suku Fahi-Nehan postu Fatuberlihu Munisípiu Manufahi, kompostu husi Aldeia 3, Daurata, Daramatan no Aenesi.