Tuir nia, dezde tinan 2011 to’o ohin loron, militante partidu KHUNTO tomak seidauk haree hahalok ida ne'e husi Konseleiru Partidu KHUNTO.
Ne'e duni, nia husu ba Ângela Freitas atu kontrola nia linguazen, labele sai hanesan ema ida ne'ebé la edukativu no fó sai informasaun falsu.
“Ha’u nu’udar membru Konseleiru Supremu, i hanesan ema ida ne'ebe hari partidu KHUNTO komesa husi 2011 ate a data seidauk iha hahalok ida husi ami-nia konseleiru supremu ne'ebe dehan katak uza krime organizadu mak hodi hari partidu KHUNTO ne'e, ne'ebé Senora Ângela Freitas kala nia toba mehi at karik mós ita la hatene,” dehan nia ba www.tempotimor.com iha Parlamentu Nasional, Sesta (25/9).
Nia mos husu Angela, bainhira fo informasaun ba iha Publiku karik, Fo ho konsultivu para rezolve nasaun ida ne'e, no agora Laos tempu ona para atu difama malu, no laos tempu ona atu hatudu liman ba malu.
"Husu nafatin ba Angela Freitas atu prepara ninia an para bele Konpete iha politika iha futuru oina mai, Labele estraga fali ninia dignidade nudar ema feto, satán ami partidu KHUNTO nia prezidente mos ema feto ida, lolos ne'e nia fo mos Fo apoiu hodi fortifika nia maluk feto sira,"Dehan nia.