Login to your account

Username *
Password *
Remember Me

Komete Kazu, Komandu sei Demite Membru PNTL Na'in 4

Sekretáriu Konsellu Superiór PNTL Superentendente xefe Carlos Jerónimo ko'alia hela ho jornalista sira iha Komandu Jerál PNTL Kaikoli, Dili. Sesta (25/9). Sekretáriu Konsellu Superiór PNTL Superentendente xefe Carlos Jerónimo ko'alia hela ho jornalista sira iha Komandu Jerál PNTL Kaikoli, Dili. Sesta (25/9). Foto Tempo Timor

Tempotimor (Dili) - Komandu Jerál Polísia Nasionál Timor-Leste (PNTL) liuhusi Konsellu Superiór deside ona hodi halo demisaun ba membru na'in haat ne'ebé kometa kazu no ida seluk kontinua diskute.

Sekretáriu Konsellu Superiór PNTL, Superintendente Xefe Carlos Almeida Sousa Jerónimo hatete, iha soru-mutu konsellu superiór nian haree liu ba kazu sira ne'ebé atu halo demisaun.

"Iha ne'ebá ami haree liu de'it ba kazu prosesu dixiplinár, entaun iha kazu lima, kazu haat mak halo demisaun, enkuantu kazu ida mak komandante sira fó hotu hanoin katak, haree fali lai," dehan komandante ne'e iha Komandu Jerál PNTL Kaikoli, Sesta (25/9).

Komandante ne'e afirma, kazu ida ne'ebé seidauk halo demisaun ne'e kona-ba kazu ró iha Atabae nian, entaun inspesaun jerál sei haree depois aprezenta hikas proposta ba Konsellu Superiór PNTL nian.

Entretantu, kazu ne'ebé atu halo ona demisaun ba membru sira ne'ebé komete mak devér seriedade.

"Kazu haat ne'e, iha kazu tolu mak kona-ba devér seriedade ka falta no ida seluk mak kazu UPF nian ne'ebé apoiu fali ema balun hodi hakat liu fronteira ho ilegál," nia dehan.

Entretantu membru sira ne'ebé sei hetan demisaun ne'e balun iha postu sarjentu no postu ajente. Tanba ne'e bainhira demisaun ona, sira sai ona sidadaun bai-bain, maibé kuandu sira aprezenta fali rekursu, ne'e direitu maibé hanesan sidadaun bai-bain, la'ós ona polísia.

Alende ne'e, nia mós subliña, alende husi kazu haat ne'e, iha ona kazu 80 resin ne'ebé deside tiha ona. (*) 

Rate this item
(0 votes)
Last modified on Friday, 25 September 2020 17:33
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter