Nia dehan, durante nia halo vizita ba media sira, bainhira hasoru malu ho media sempre rona difikuldade barak, la'ós tanba sira iha empreza boot mak harii média, maibé ida ne'e jornalista ho jornlista mak harii média hanesan online no media imprime.
Nia hatutan, iha jornalista balun hakarak tau hanoin hamutuk hodi harii média, tanba sira ho intensaun hakarak partisipa iha dezenvolvimentu nasional liu área komunikasun sosiál nian.
"Primeiru ita koalia kona-ba média sira-nia problema, ne'ebé kontestu barak, la'ós uitoan, primeiru media balun ita ba hasoru malu ho sira, la'os tanba sira iha empreza boot, mak mai harii media ne'e laiha, Jornalista ho jornalista mak tur hamutuk fo hanoin ba malu, hakarak hari media online ida, hakarak hari media imprime ida, ne'e laos mai husi ema iha kapital," dehan Ministru Francisco Jerónimo ba jornalista iha edifísiu Ministeriu Transporte no Komunikasaun, Sesta (25/9).
Nia esplika, kapital ne'ebé jornalista uza mak ne'e, boa vontade, no rekursu ne'ebé sira iha, no matenek ne'ebe sira iha, tuur hamutuk hodi harii média, maibé parte balun media ida-rua maka harii husi ema empreza boot, maibé barak liu la'ós.
Nia afirma, tanba ho probelma ne'ebe média enfrenta ne'e fo impresaun ba MAPKOMS katak, presiza hakbiit sira, hakbiit ho dalan ne'ebe loos no tuir lei tuir planu MAPKOMS nian. (*)