Deputadu Patrocino Fernandes hatete, proposta OJE ne'ebe aprezenta ba PN, bainhira sira halo diskusun, CNRT nota buat balun ne'ebe iha fallansu uitoan.

Kona-ba dokumentu ne'ebe falla, nia dehan, presiza analiza tanba ema ne'ebe halo dokumentu ne'e dalaruma menus esperensia governsaun, ka dalaruma ema ne’e iha intensaun subar buat balun iha OJE laran.

"Nia problema ne'e tanba ema laiha koñesimentu kona-ba esperensia de governasaun, laiha koninesimentu kona-ba sitema, talvez parte seluk iha intensaun atu subar buat ruma iha orsamentu ninia laran, atu desvia buat sira ne'e hotu talves bele akontese," dehan nia, iha PN, Segunda (28/9).

Nia esplika, maski mosu kestaun hirak ne'e, maibe daudauk deputadu sira halo analizasaun ba buat sira ne'e hotu iha kada komisaun, depois sei aprezenta ba iha plenariu.

"Sira ne'e ami nota hotu ona, ami sei halo hela analiza ba orsamentu sira ne'e iha komisaun ida-idak," hatete nia. (*)