Horta dehan, iha kontestu demokrasia bele halo mudansa ba estrutura governasaun, karik Primeiru Ministru hakarak halo re-modelasaun.
"Se governu 2021 muda, bele muda, Primeiru Ministru deside rezigna an ou re-estruturasaun governu tomak, ne'e bele akontese, hanesan tinan ida ou fulan ruma liu ba," dehan Horta durante seminariu nasionál ida iha Munisípiu Manatuto, Tersa (29/09).
Maske bele halo mudansa, maibé tuir nia, kestaun mak governu foun nafatin kontinua ho politika no programa governu anterior nian ka lae.
"Kestaun mak ne'e, governu bele muda komforme sirkuntansia, maibé se iha politika fundamentais estratezika ne'ebé governu halo iha kotuk ne'e, komprimisiu governu halo kontinua halo ou lae, ne'e mak preokupasaun ema nian," dehan nia.
Kona-ba situasaun atual, tuir Horta, maske Timor-Leste iha krize politiku uitoan, maibé ladun implika ba dezenvolvimentu.
"Se Ministru ida ne'e oin nune'e, Ministru oin mai nune'e, sira la preokupa tanba sira nein koñese, sira hakarak hatene Lei garantia politika ne'ebé garantia ba investedor sira sei iha kontinuidade ou lae, buat ida ne'ebé hau haree durante krize ne'e, iha tinan rua mai mesmu Covid-19, buat ida hau admira i pozitivu mak projetu estrada balun sei kontinua, la para ho mudansa governu",Horta Akresenta