PM Taur hatete, deputadu sira kestiona kona-ba governu uza asesor internasional, maibé haluha tiha katak iha governu anterior ne’ebé CNRT lidera mak halo lei hodi fó dalan ba rekrutamentu asesor internasional.
"Iha ita-nia instituisaun sira, señor destintus deputadu sira levanta katak asesor ida ne’eba manan hanesan ne'e, no ida ne'e manan hanesan ne'e, maibé lei sira ne'e uluk ita-boot sira mak halo hotu i ohin ami implementa de'it, ami seidauk halo alterasaun ida,” dehan PM Taur iha diskusaun ba proposta OJE 2020 ba loron daruak iha Parlamentu Nasionál, Sesta (02/10).
Tan ne’e, tuir nia, ohin loron nu’udar tempu di’ak ida atu hotu-hotu hamutuk hodi hadia naksalak sira ne’ebé iha.
"Parlamentu ida ne'e iha ninia esperensia rasik, see mak ha’u atu fó lisaun ba Parlamentu, tanba iha ha’u nia tempu kuandu ha’u Prezidente Republika ne'e iha unaminidade iha Parlamentu ida ne'e, ha’u purpouku xefe destituidu, tanba sa mak ohin ita-boot sira labele ajuda malu par ita rezolve problema sira ne'ebé barak ita-boot sira ko'alia mais la ko'alia hotu, ko'alia de'it rohan," dehan nia.
Tan ne’e, nia husu ba deputadu sira hotu atu apoiu no ajuda governu hodi rezolve problema ne'ebé nasaun ne’e.