Login to your account

Username *
Password *
Remember Me

CNRT Aseita Pedidu Esteinsaun EE Daneen

Plenaria Palamentu Nasiona debate Proposta husi Prezidente da Republika hodi Estende Estadu Emerjensia ba daneen, Sabado (3/10) Plenaria Palamentu Nasiona debate Proposta husi Prezidente da Republika hodi Estende Estadu Emerjensia ba daneen, Sabado (3/10) Foto Tempo Timor

TempoTimor (Dili)-Pedidu Prezidente Republika (PR) hodi estende Estadu Emerjensia (EE) ba daneen (6) hetan apoiu husi partidu opozisaun, Konsellu Nasional Rekonstrusaun Timorense (CNRT) iha Parlamentu Nasional (PN).

Desizaun hodi estende EE ba daneen desidi liu husi plenária estraordináriu iha PN ne’ebé vota afavór 54, kontrola 0 no abstensaun 0.

Xefi Estadu desidi EE daneen bazeia ba Konstituisaun da Republika artigu 25 númeru 1,9, 10, 11, 15 no artigu 27 husi lei númeru 3/2008, 22 Fevereiru kona ba rejime estadu de sítiu no EE iha territóriu nasionál durasaun loron 30.

Prezidente Parlamentu Nasional (PPN), Aniceto Longinhos Guterres deklara, hafoin vota afavor ba pedidu refere, PN sei fó autorizasun ba Xefi Estadu hodi dekreta EE ba daneen.

"Autorizisaun renovasaun ba EE iha ona, ne’e duni hein governu implementa ho di’ak," deklara Deputadu Aniceto iha PN, (3/10).

Nia haktuir, iha lei balun maka PN halo mudansa, liu-liu liga ho loron ne'ebé PR atu dekreta. Maibé, seluk laiha mudansa no mantein, tan ne’e Deputadu sira sei fó apresisaun bazeia ba faktus ne'ebé mosu no tuir buat ne’ebé temi ona iha mensajen Xefi Estadu.

Renovasaun EE ba daneen ho ninia durasaun, hahú husi loron, 5 Outumbru 2020 (oras 00:00) no sei termina iha loron, 4 Vovembru 2020 (oras 23.59).

Pontus importante hirak ne’ebé presiza hare durante periodu EE ba daneen maka hanesan, kontrolu sirkulasaun internasionál, estabele kontrolu sanitáriu iha portu, aeroportu ka postu fronteira terrestre hodi impede moras Covid-19 labele tama mai territóriu nasionál. Observa kondisaun nesesariu hodi evita risku propagasaun epidemia, nune’e toma medida nesesaria hodi asegura sirkulasaun internasionál ba sasan no serbisu esensiál.

Aliende ne’e, kontrola liberdade sirkulasaun no fixasaun rezidénsia ba kualkér pontu iha territóriu nasionál, ne’ebé sei lidera husi autoridade públika sira hodi redús risku kontájiu no ezekuta medida prevensaun kombate epidemia, inklui konfinamentu kompulsivu domisíliu.

Iha fatin hanesan, Deputada Bankada KHUNTO, Olinda Guterres hateten, atu labele halo kolen reprezentante povu hodi debate bebeik kona ba pedidu esteinsaun EE iha kada fulan, di’ak liu desidi kedas ba tinan ida nian, nune’e PN bele aprova dala ida de’it.

"Ita Timor ne'e nia tetum hira, desde buat ne'e tama mai, ita maka ko’alia fila ba fila mai no bobar ba bobar mai hela de’it, tan ne'e ha’u nia hakarak di’ak liu Prezidente Republika desidi kedas tinan ida nian depois ita aprova dala ida,"deklara Deputada Olinda.

Nia esplika liu tan karak, duke kada fulan debate hela de’it kona ba esteinsaun, depois ita halo diskusaun naruk no ko’alia bobar ba mai hela de’it.

“Ha’u sujere di’ak liu ko’alia oituan de’it no hare vota de’it ona, tanba ida ne'e di’ak ba povu,” esklarese Olinda. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter