Login to your account

Username *
Password *
Remember Me

PR Lú Olo: Ita Lakohi Mate ho Covid-19 mais Labele Taka Odamata

Prezidente da Republika, Dr. Francisco Guterres Lu Olo Prezidente da Republika, Dr. Francisco Guterres Lu Olo Foto Ofisial

Tempotimor (Dili)-Prezidente Repúblika Francisco Guterres Lú Olo deklara, maske Timor-Leste lakohi mate tanba Covid-19, maibé TL labele taka odamatan ba ema estranjeiru sira ne’ebé hakarak tama mai nasaun ne’e.

PR Lú Olo hato’o kestaun ne’e bainhira halo deklarasaun ofisial ba estensaun Estadu Emerjensia (EE) daneen.

"Ita hotu lakohi moras, lakohi mate ho moras Covid-19, moras ne'e la hili ema, riku ka ki'ak, joven ka labarik, ferik ka katuas, ukun na'in ka sidadaun baibain.”

"Timor-Leste labele taka odamatan ba ema, maibé ema sira ne'ebé tama-sai tenke hatuir médida sira ne'ebé governu hatur ona," dehan PR Lú Olo iha Palásiu Prezidensiál Bairru-pite, Dili, Segunda (05/10).

Xefe Estadu ne’e hatutan, kualker sidadaun ne'ebé mai husi rai li’ur, maske mai kedas ho sertifikadu livre husi Covid-19, tenke tama kuarentena.

Tanba, tuir PR Lú Olo kuarentena mak sai nu’udar medida uniku ne’ebé bele proteze sidadaun TL husi Covid-19.

"Médida kuarentena foti atu proteze ita-nia ema. Entaun atu tama iha kuarentena, bele tama iha fatin ne'ebé governu prepara no fatin ne'ebé sidadaun sira hili rasik, maibé Ministériu Saúde (MS) tenke aprova uluk, molok sidadaun sira tama mai," nia dehan.

Bazeia ba dadus, PR Lú Olo hatete, to’o Domingu (04/10), mundu tomak rejista ona kazu konfirmadu ba Covid-19 hamutuk millaun 35 no hamate ona ema liu millaun ida.

Entretantu, nasaun viziñu Indonézia rejista ona kazu konfirmadu liu ona rihun 300 no hamate ona ema liu rihun 11.

Iha provinsia ne’ebé viziñu direita ho TL, provinsia Nusa Tenggara Timur, kazu konfirmadu liu ona 450 no hamate ona na'in 6.

Ba kazu Covid-19 iha Australia, iha ona kazu konfirmadu liu rihun 27 no hamate ona ema liu 800.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter