Vise Ministru Obras Publika, Nicolao Lino Freitas hatete, tanba durante tinan 2020 governu funsiona de’it ho Dotasaun orsamentu temporal (DOT) nune'e dadaun ne'e parte ministeiru sei utilija osan durante fulan tolu husi Outubru to’o Dezembru hodi selu jerador iha Hera no Betano, salariu no vensimentu inklui ba projetu re-apropiasaun ne'ebé antes ne'e la konsege selu kompleita.
"Orsamentu uza de’it duadesimal, ho fulan tolu ne'e esforsu para bele kobre orsamentu ba iha emprejariu sira," Nicolao iha Parlamentu nasional Dili, Segunda (5/10).
Vise Ministru ne'e hatutan, MOP preve orsamentu hamutuk 195 milloens dollar nune'e preve ba kombustivel mina iha Hera no Betano hamutuk 100 eital no mos ba emprejariu re-apropiasaun fundu infraestrutura i lin ministeiru no selu ba iha projetu on going sira ne'ebé durante lao iha 2019.
Entretantu, total despezas iha orsamentu jeral estadu ba MOP tinan 2020 hamutuk millaun $195.423 ne'ebé utilija ba saláriu bensementu hamutuk 5.022 milloens dollar, bens i servisu hamutuk 182.877, kapital minor 2.524 no kapital dezenvolvementu 5.000.