Iha deskusaun espesilidade ba proposta Orsamentu Jeral estadu (OJE) 2020, deputadu husi bankada opozisaun PD halo kritiku ida ba meza prezidente PN, entretantu bankada Opozisaun CNRT desidi entrega  diretu  tomak, no opozisaun prontu halo tuir meza no bankada maioria nia hakarak.

Deputadu PD Adriano do Nacimento husu ba meza atu jere debate proposta OJE ida ne'e, No tenke akumula mos hanoin sira husi bankada opozisaun.

"Hau hanoin la justu, ne'ebe hau husu señor prezidente bele jere para tetu buat sira ne'e, tanba bankada ida deputadu nain rua mak halo intervensaun,"Dehan Adriano iha plenariu PN, tersa (6/10).

Iha fatin hanesan deputada bankada CNRT Bendita Magno afirma, nia parte entrega tomak ba ba meza inklui bankada maioria, sira mak halo ba, no opozisun prontu tuir deit.

"imi halo ba ami tuir deit, tanba ami opozisaun hanoin atu bele mos, saida mak ami sente, iha ami nia hanoin ne'e ami atu hato'o, ba buat ne'ebe diak, maibe ita boot sira la fo, ida ne'e mk hubhakarak sekunda deot deputadu adriano nia deklarasaun, ne'ebe hau la koalia barak, ida neve deit mak hau hato'o,"deklara deputada opozisaun ne'e.

Ba kestaun ne'e prezidente PN, Aniceto Guteres deklara, se koalia fila-fali ba giaun, deputadu sira halo intervensaun ba kada proposta, laos hare ba ministeriu.

Ne'e duni nia hatete, kona-ba diretu kada bankada  ida sei fo ba deputadu ida atu  halo intervensaun ba proposta laos ba ministeriu.