Print this page

Osan iha OJE 2020 To’o de’it Outubru, MEJD husu Adisional

By October 06, 2020 1148
MEJD, Armindo Maia MEJD, Armindo Maia Foto Suplai

Tempotimor (Dili)-Ministru Edukasaun Juventude no Desportu (MEJD), Armindo Maia hatete, pakote orsamentu ne'ebé aloka ba MEJD la konsege kobre to’o fulan Novembru no Dezembru.

Ho nune’e, Ministru Armindo iha diskusaun espesialidade ba OJE husu tan orsamentu adisional.

"Minísteriu edukasaun iha proposta alterasaun rua, primeiru kona-ba esesoes eskolar, tuir pakote orsamental ne'ebé ami simu la sufisiente atu kobre to'o novembru, orsamentu iha pakote so kobre de'it ba Fulan Janeiru to'o Fulan Junu, enkuantu Fulan Jullu to'o novembru depois de ami halo kontas la konsege kobre to'o iha neeba", MEJD Armindo esklarese iha plenaria diskusaun OJE tinan 2020, faze espesiálidade iha Parlamentu Nasionál, tersa (06/10).

Bens servisu ministériu edukasaun juventude no desportu kategoria bens servisu, tuir dadus iha balansu serka de milloes $7.500.

"Balansu ida ne'e atu kobre ba, primeiru kustu ne'ebé boot kona-ba ezame nasionál dadauk ita hala'o iha Fulan Novembru, kona-ba materia operasional oinsa tun ba monitoriza, depois segundu ba asistensia teknika, viajem lokal, manutensaun ekipamentus edifísiu, despezas operasionais no seluk tan",tenik Nia

Maibé depois de ami halo kalkulasaun realmente, ami presiza tan orsamentu adisional.

"Orsamentu atu selu retensaun ba eskola 9, ne'ebé tuir ADN verifikasaun, pratikamente 100% hotu ona, entaun ita presiza selu osan 10% ba retensaun, ami selu tuir verifikasaun ADN, se agora la selu kerdizer tenke husik dividas ba tinan 2021", Nia dehan

Iha fatin hanesan, deputada husi bankada KHUNTO, Olinda Guteres hateten, orsamentu ne'ebé atu aloka ba Ministériu Edukasaun Juventude no Desportu (SEJD), distintu deputadu sira lalika halo komentariu barak.

"Kona-ba Ministériu Edukasaun ita lalika ko'alia no komentariu barak, tanba ita sira iha ne'e, mai husi edukasaun, iha mestri iha primeiru ministru no deputadu sira ohin tur iha ne'e, proposta ne'ebé tama mai husu atu aumenta ita aprova, tanba ne'e presiza ba Timor tomak, asesor bolu husi estranjeiru barak liu, tanba saida mak labele aloka osan barak ba iha neeba par sira hodi aumenta kapasidade", Nia dehan

Entertantu, Orsamentu Jerál Estadu (OJE) ba tinan 2020, ne'ebé aloka mai Ministériu Edukasaun Juventude no Desportu (MEJD) exkluindu Sekretariu Estadu Juventude no Desportu (SEJD) ho montante $67.544 milloes, ne'ebé kompostu husi, salariu vensimentu $59.341 milloes, Bens servisu $7.139 milloes, transferensia publika rihun $781, kapital menor rihun $284, no kapital dezenvolvimentu laiha.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items