Deputadu Virgina Ana Belo hato'o kestaun ne'e liu husi debate espesialidade proposta OJE 2020 iha plenariu PN, kuarta (7/10).
"ami la kestiona ida ne'e, maibe porblema ba ami mak ne'e, iha asesor balun ho nivel SMA, simu 5 mil ida ne'e mak ami nia problema, tanba ida ne'e mak ita boot sira tenke hare didiak, para depiis labele sai, tanba ida ne'e mak ita dehan gastus ne'e,"Dehan nia.
Nia hatutan, aleinde diretor husi MAP rasik Mos hato'o ona ba deputadu sira iha momentu audensia, hatete katak tuir planu sei haruk tan funsionariu permanenti nain 24 n hodi ba apoiu gabinete ministru, no vise ministru, inklui sekretariu estadu, ne'ebe ema nain ida sei simu salariu Rihun ida atus rua, $.1200 to'o $.6000.
"Ministru resposta mak ne'e, sira iha 500 mil Funsionariu kontratadu, ida ne'e diretor sira rasik mak hatete, aumenta tan apoiu sira husi pesoais sira ne'ebe atu ba apoiu iha gabinete ministru no gabinete vise Ministru, ho sekretariu estadu, ida ne'e hamutuk 24 pesoas, sira nia salariu hahu husi 1200 mil to'o 6000, mil,"Dehan nia.
Deputadu Bankada PD Adriano do Nacimento husu Ministru Agrikultor no Peska atu esplika tok, tanba tuir informasaun balun husi terenu katak, iha funsionariu balun ne'ebe ho diploma 'SMA' deit maibe sira simu salariu to'o rihun $.1.500.
"los ka lae, dehan ema hirak ne!e deit mos Ministeriu Agrikultor no Peska, fo mil kinentus, ,"kestiona deputadu bankada PD Adriano do Nacimento liu husi debate espesialidade proposta OJE 2020 iha plenariu PN, kuarta (7/10).
Nia hatutan, se ida ne'e mak los, signifika governu hamosu deskriminasaun ba komunidade universitariu Sira, tanba sira hala'o estudu tinan naruk nia laran, maibe ikus governu la utiliza, i pior liu mak ema hirak ne'e ba fali trabalho iha rai liur.
Tan ne'e nia husu atu Ministeriu agrikuktor peskas presiza hare tau atensun rigor ba aktu sira ne'e, presiza tau ema ne'ebe mak iha kapasidade atu nune'e serví estadu Ida ne'e ho lolos.
Iha fatin hanesan deputadu Bankada UDT Francisco David deklara, nia arte Sekunda ho deklarasun balun ne'ebe deputadu PD levanta.
Tuir nia, osan ida ne'e estadu nian, duni lina ministerial sira tenke hare tau ema ne'ebe iha kapasidade atu gasta osan ida ne'e ho lolos, no labele gasta arbiru.
Hatan ba kestaun ne'e, Ministru Agrikultor no Peskas, Pedro dos Reis deklara, prezensa MAP iha governu ida ne'e, atu sai serbidor ba povu no laos atu fahe osan iha ministerial laran.
Ne'e duni nia mos husu fila-fali ba deputadu no deputada sira, se fuan kaman, bele hakat ba halo fiskalizasaun diretamente, hodi halo justifikasaun, los ka lae.
" iha ne'eba ami hanesan sebidor, no ami nia odamatan nakloke ba deputadu no deputada, bele hakat ba iha MAP hodi halo justifikasaun,"dehan nia.
Kona-ba mudansa ne'ebe mosu iha MAP, nia esplika dadauk laiha ona asesor internasional no iha ne'eba sira uza deit asesor timor oan.
Nia deklara, pozisaun MAP defende tau asesor timor oan tanba ho planu katak timor oan sira mos iha esperensia atu serbi, neneik maibe bebeik, ita garante timor oan sei bele.