Print this page

Tinan 13 PNTL Prende Kanu-Resin, Tempu Badak Halo Destroisaun

By October 12, 2020 1037
Kenalpot ou kanu-resin ne'ebé PNTL prende, rai hamutuk hela iha Komandu PNTL Munisípiu Dili Kaikoli, no tuir planu iha tempu badak atu halo destroisaun Kenalpot ou kanu-resin ne'ebé PNTL prende, rai hamutuk hela iha Komandu PNTL Munisípiu Dili Kaikoli, no tuir planu iha tempu badak atu halo destroisaun Foto Suplai

Tempotimor (Dili)- Iha tempu badak, Polísia Nasionál Timor-leste (PNTL) sei destroi kanu-resin motor nian, ne'ebé antes ne'e prende no tau hamutuk iha Kuartel PNTL.

Komandu Polísia Nasionál Timor-leste (PNTL) Munisípiu Dili, hato'o ona relatoriu ba Ministériu Públiku atu halo destroisaun ba kenalpot kanu resin sira ne’e.

"Kanu-resin de'it, motor hela, kanu-resin mak durante ne'e, nia númeru boot tebes, tanba ne'e husi Ministériu Públiku komunika ona mai PNTL, ne'ebé sedu ou tarde ami sei halo verifikasaun hotu depois foti desizaun ida mak halo destroisaun", dehan Segundu Komandante PNTL Munisípiu Dili Superintendente Euclides Belo iha knar fatin, Komandu Munisípiu Dili, Kaikoli, Segunda (12/10).

Nia relata, parte PNTL sei koordena ho patrimoniu estadu, sasan ne'ebé Polísia prende mesmu Lei bandu, maibé konsidera serbisu hamutuk ho instituisaun ne'ebé relevante sira atu responde desizaun hamutuk.

"Labele PNTL mesak, PNTL, patrimoniu estadu, Tribunal, Ministériu Públiku ami servisu hamutuk", dehan Nia

Vise komandnate ne’e esplika nia parte hahu prende motor sira ne'ebé utiliza kenalpot kanu-resin hahu kedas iha tinan 2007 PNTL halo aprensaun to'o agora sidauk halo destroisaun.

"Total ou númeru barak tebes, kuandu ami halo konfere ninia total sira ne'e, ami sei bolu media par media mos bele fo sai nune’e na'in ba prosesual mos tenke hatene, par ita servisu koletivu no responsablidade mos ba aktu sira ne'ebé ita nia maluk infrator sira komete ne'e, atu ita hotu toma responsablidade hamutuk, mesmu asaun ne'e PNTL mak halo, maibé presiza media mos divulga informasaun ba komunidade sira par depois tinan tuir mai, seluk labele investe fali kanu-resin iha Timor",Nia esplika

Tanba, iha Timor-leste liu-liu iha kapitál Díli, ema hotu presiza hakmatek, la'o kumpri Lei, la'os sai fali autor ba kontra regras. (*)

Rate this item
(0 votes)
Last modified on Monday, 12 October 2020 17:50
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items