Login to your account

Username *
Password *
Remember Me

Dezenvolve Ponte Kais Hera: Uluk Fakar Tokon 8, Agora Governu Prevé Millaun Ida

Tempotimor (Dili)-Bazeia ba akordu Timor-Leste no Australia ne'ebé atu apoiu Ró rua ba TL hodi halo kontrolu ba kosta sul, maka dadaun ne'e governu prevé ona millaun ida hodi dezenvolve ponte kais Hera.

Iha IV Governu Konstitusional, Governu hasai mais ou menus tokon walu fakar ba kompana ida baze iha Sydney maibe ro komponente Naval la traka iha Ponte Kais refere. Nune'e tuir Ministru Defeza no Seguransa Filomeno da Paixão de Jesus akordu navegasaun ho Autralia ba kontrolu kosta sul ne'e iha hela andamentu.

"Ita iha akordu ho Australia atu halo ponte kais ba Ró rua ne'ebé Australia sei fó iha Outubru 2023, purtantu ponte kais ne'e sei fahe ba zona A, B no C," dehan Ministru Filomeno da Paixão iha Palásiu Prezidensiál bairru-pite Tersa (13/10).

Nia mós dehan, ponte kais ne'ebé governu Timor-Leste no governu Australia sei halokonstroi hamutuk ne'e, fahe ba zona rua.

"Zona A ne'e governu Timor-Leste mak sei halo rasik, ne'ebé iha ne'ebá ita sei dezenvolve portu no kebra mar no halo protru trake ne'ebé boot liu, para aban-bainrua ita hola Ró boot karik, depois zona B ne'e governu Australia mak sei halo no iha zona C ita sei halo de'it infraestrutura ba manutensaun ba ita-nia Ró," katak Paixão.

Entretantu zona A ne'ebé governu TL rasik mak halo dadaun ne'e dezeñu iha ona, maibe karun, tanba infraestrutura iha tasi ne'e la hanesan infraestrutura ne'ebé harii iha rai maran, tanba ne'e montante ba zona A ne'e bele to'o millaun ida.

 

Antes ne'e iha tinan 10 ba kotuk, iha enkontru extraordinaria ida konsellu ministrus IV governu konstitusional deside fo projeitu multi miliaun ne'e ba kompania Australiana Lifsse Engineering Pty Ltd hodi halo portu temporariu ba ro rua ne’ebe governu hola husi xina.

Maibe projeitu ne’e remata tarde I hetook aat liu tan portu refere tohar ona antes uza. Kompania Australiana ne’e mos halo Governu TL tenke tolan fali ninia kaben ne’ebe tafui ona inklui hakneak hodi selu multa ba kompania refere.

Kompania Lifese Engineering Pty Ltd ne’ebe kaer projetu Konstrusaun Portu Hera hamosu konflitu bo’ot ho Governu Timor-Leste Sira konsidera Governu viola kontratu. Tanba, tuir kontratu Governu tenke hala’o pagamentu ba sira kada semana rua-rua hafoin projetu ne’e la’o. Maibé, Governu rezeita sistema ne’e maske kontratu refere IV Governu Konstitusional maka halo no asina mos. Ironia maka, tuir prosesu normal iha Timor-Leste pagamentu bele hala’o bainhira projetu remata.

Tuir dokumentus kontraru ne’ebé Tempo Timor asesu iha tinan ruma kotuk, total orsamentu ba projetu ne’e hamutuk dolar Amerikanu tokon hitu atus hitu lima (US$ 7. 017.705) aumenta ba dolar Amerikanu tokon hitu rihun atus hitu sanulu resin tolu, tolu nulu resin lima (US$ 7.713.035). (*)

Rate this item
(0 votes)
Last modified on Sunday, 18 October 2020 21:51
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter